काठमाडौं – सिटिजन्स बैंक इन्टरनेसनल लिमिटेड र एक्सिस बैंक लिमिटेड भारतबीच विप्रेषण सम्बन्धी सम्झौता भएको छ । 

सम्झौता बमोजिम अब एक्सिस बैंक लिमिटेडमार्फत् भारतबाट नेपालमा रहेका आफन्त वा अन्य व्यक्तिहरुले भुक्तानी पाउने गरी पठाएको विप्रेषण रकम सहज रुपमा सिटिजन्स बैंकको नेपालभर रहेका ८१ वटा शाखाबाट सहज रुपमा भुक्तानी पाउन सकिने छ ।

बैंकले यसअघि कतारको दोहा बैंक, यूकेको क्यास्को फाईनान्सियल सर्भिसेस, स्मल वल्र्ड फाइनान्सियल सर्भिसेस र अफ्ताब करेन्सी एक्सचेन्ज लिमिटेड, यूएईको अल अहलिया मनि एक्सचेन्ज ब्यूरो, अल अन्सारी एक्सचेन्ज, एक्सप्रेस मनि सर्भिसेस, अल दहाब एक्सचेन्ज र अल्फा एक्सचेन्जसँग सम्झौता गरी ती विप्रे्रषण कम्पनीबाट बैंकिङ प्रणालीमार्फत् नेपाल आएको विपे्रषण रकमको भुक्तानी बैंकको सम्पूर्ण शाखाहरू तथा सहायक प्रतिनिधिबाट गर्दै आइरहेको छ ।

यसको अतिरिक्त स्वदेशका विभिन्न विपे्रषण कम्पनीहरूसँग सहकार्य गरी बैंकले आफ्नो सम्पूर्ण शाखाबाट वेस्र्टन युनियन, मनिग्राम, आईएमई, प्रभू मनि, हिमाल रेमिट, सिटी एक्सप्रेस, रिलायबल रेमिट, जेएमई, नेपाल रेमिट, इजिलिंक, जीएमई रेमिट, पृथ्वी एक्सप्रेस, सम्सारा, सेवा एक्सप्रेस ,आईपे रिलायबल, बुम रेमिट, ओभरसिज रेमिट, सिजि मनि र मुक्तिनाथ रेमिटबाट आएको विपे्रषण रकमको भुक्तानी गर्दै आइरहेको छ ।

बैंकले निकट भविष्यमा अन्य विभिन्न मुलुकमा रहेका विभिन्न विप्रेषण कम्पनीसँग सम्झौता गरी विप्रे्रषण सेवालाइ विस्तार गर्दै लैजाने योजना राखेको छ । 

नेपाली जनताको घरदैलोमा बैंकिङ सेवा पुर्याउँदैै आएको यस सिटिजन्स बैंक इन्टरनेसनल लिमिटेडले देशैभरी फैलिएका आफ्ना ८१ वटा शाखा, ७५ वटा ए.टि.एम. र ९९ वटा शाखा रहित बैंकिङ्ग एकाईहरुबाट करिव चार लाख  ग्राहकवर्गलाई आधुनिक बैंकिङ्ग सेवाहरु प्रदान गर्दै आएको छ । 

आफ्नो ग्राहकवर्गहरुलाई विभिन्न किसिमका निक्षेप तथा कर्जा सुविधाहरु, रेमिट्यान्स सेवा, बैंकास्योरेन्स, आस्वा, ड्राफ्ट, भिसा ए.टि.एम.कार्ड सेवा, भिसा इन्टरनेसनल डलर कार्ड सेवा, साथै कुनै पनि शाखाबाट रकम झिक्न र राख्न सकिने जस्ता सुविधाहरु पनि उपलब्ध गराउँदै आएको छ । 

यसका साथसाथै शाखाहरुसँगको समन्वय, निगरानी, संस्थागत सुशासन, जोखिम व्यवस्थापन एवम गुनासो सुनुवाई जस्ता कार्यहरूे छिटो, छरितो, चुस्त र दुरुस्त रूपमा सम्पादन गर्ने उद्देश्यल्ले बैंकले सात वटै प्रदेशमा प्रादेशिक कार्यालयहरुको स्थापना गरिसकेको छ ।