विराटनगर – चर्चित कलाकारको साथमा पूर्वको विभिन्न स्थानमा ‘द भ्वाइस अफ नेपाल लाइभ म्यूजिकल कन्सर्ट’ हुने भएको छ ।

कन्सर्ट पूर्वको विभिन्न शहरमा हुने भएको छ । कन्सर्टमा द भ्वाइस अफ नेपालका विजेतादेखि फस्र्ट नरअप र टप टेनमा पुगेका कलाकारको सांगीतिक प्रस्तुति रहने छ ।

पिस ल्याब इन्टरनेसनल प्राइभेट लिमिटेडको आयोजनामा मोरङको पथरीमा माघ २५ गते द भ्वाइस अफ नेपाल लाइफ म्यूजिकल कन्सर्ट हुने भएको हो । आयोजकले पत्रकार सम्मेलन गरी पथरीमा हुने लाइभ कन्सर्टको तयारी अन्तिम चरणमा पुगेको जानकारी दिएको छ ।

पथरीपछि झापाको केर्खामा १६ गते, सुनसरीको धरानमा २१ र बिर्तामाडमा २३ गते द भ्वाइस अफ नेपाल लाइभ म्यूजिकल कन्र्सट हुने भएको पिस ल्याब इन्टरनेसनलका म्यानजिङ डाइरेक्टर अनुप योञ्जनले जानकारी दिए ।

कन्सर्टको मुख्य कलाकार द भ्वाइस अफ नेपालका बिजेता सीडी विजय अधिकारी, फस्ट रनरअप कुसल आचार्य, सप्तक दुतराज, श्रीविजय थपलियाको प्रस्तुति रहने छ । श्रेया राई, सुरेखा क्षेत्री, अनु शाक्य, विवेक वाइवा लामा चेङवा लगायतको प्रस्तुति रहने छ ।

‘पूर्वको शहरमा एकै ठाउँमा यतिका संख्यामा कलाकार ल्याएर सांगीतिक प्रस्तुति हुन लागेको छ,’ योञ्जनले भने, ‘लाइभ कन्सर्टको तयारीमा हामी जुटेका छौं । यहाँ हुन लागेको सांगीतिक कार्यक्रम भव्य र सभ्य हुनेछ ।’

लाइभ कन्सर्ट समापन गर्न करीब १८ देखि २० लाख रुपैयाँ खर्च हुने पिस ल्याब इन्टरनेसनका अध्यक्ष प्रेमकुमार तामाङले जानकारी दिए । पथरीमा हुने लाइभ कन्सर्टमा २० हजारभन्दा बढी दर्शकको प्रत्यक्ष सहभागी हुने आयोकजले अपेक्षा राखेको छ ।