×

NMB BANK
NIC ASIA

काठमाडौं - नेपाल कम्युनिस्ट पार्टी (नेकपा)का अध्यक्ष तथा प्रधानमन्त्री केपी शर्मा ओली स्वीट्जरल्याण्डको डाभोसमा आयोजित विश्व आर्थिक मञ्चको बैठकमा सहभागी रहेकै बखत नेकपाका अर्का अध्यक्ष पुष्पकमल दाहाल 'प्रचण्ड'ले भेनेजुएलामा अमेरिकाको हस्तक्षेपलाई लिएर कडा विज्ञप्ति जारी गरे । अमेरिकाको विरोधमा जारी गरिएको उक्त विज्ञप्तिमाथि सकारात्मक र नकारात्मक दुवैथरी प्रतिक्रियाहरू आए । 

Sagarmatha Cement
Muktinath Bank

नेपालसँग कुनै पनि सम्बन्ध नभएको दक्षिण अमेरिकी राष्ट्र भेनेजुएलाको समर्थन गरेर अमेरिकालाई चिढ्याएको आरोप लाग्यो प्रचण्डलाई । तर प्रचण्ड टसको मस देखिएनन्, बरू प्रधानमन्त्री ओली नेपाल फर्किसकेपछि परराष्ट्र मन्त्रालयले प्रचण्डकै विज्ञप्तिलाई आधार मानेर कूटनीतिक रूपमा भेनेजुएलामा बाह्य हस्तक्षेप हुन नहुने आशयको अर्को विज्ञप्ति जारी गर्‍यो । 


Advertisment
RMC TANSEN
IME BANK INNEWS
shivam ISLAND

प्रचण्डले हठात् भेनेजुएलाका राष्ट्रपति निकोलास मदुरोको समर्थन र अमेरिकी हस्तक्षेपको विरोध गर्नुलाई नेकपाभित्रै संशयका दृष्टिले हेरिएको थियो । सरकारले पनि प्रचण्डकै लाइनमा विज्ञप्ति निकालेपछि भेनेजुएला विवाद मत्थर हुने सम्भावना देखिएको थियो, तर मत्थर भएन । एकथरीले सरकार र पार्टीले अनावश्यक रूपले भेनेजुएला संकटमा 'पक्षधरताको कार्ड' खेलेको भन्दै निरन्तर विरोध गरिरहे । 


Advertisment
Nabil box
Kumari

केही दिनअघि प्रधानमन्त्री ओलीले विदेशी कूटनीतिक निकायका प्रमुख, उपप्रमुख र कर्मचारीहरूलाई निम्तो दिएर आयोजना गरेको दिवाभोजमा पनि अमेरिकाका तर्फबाट राजदूत र्याखन्डी बेरी सहभागी भएनन् ।

Vianet communication
Laxmi Bank

बेरीको उपस्थिति नभएको कारण देखाएर सरकार अन्तर्राष्ट्रिय कूटनीतिक मामिलामा असफल भएको विश्लेषणहरू हुन थाल्यो । त्यहीबेला अमेरिकाको विदेश विभागले वाशिङ्टन डिसीमा नेपाली राजदूत अर्जुन कार्कीलाई भेनेजुएलाबारे नेपालको स्पष्ट धारणा पेश गर्न भन्यो । भेनेजुएलाको संकटले नेपाललाई थप संकट पार्ने सम्भावना देखिन थाल्यो । 

भेनेजुएलाकै सन्दर्भमा प्रचण्डले हठात् नेकपाको सचिवालय बैठक बोलाउन दबाब दिए । प्रचण्डकै आग्रहमा सचिवालयले पार्टीको आधिकारिक धारणा पनि उस्तै रहेको निष्कर्ष निकाल्यो, अर्थात् भेनेजुएलामाथि अमेरिकाले गरेको हस्तक्षेपको विरोध गर्ने निर्णय भयो । 

यतिमा मात्र पार्टीभित्र भेजेनुएलाको 'भूत' उत्रिएन । मंगलबार अमेरिकी राजदूत र्याोन्डी बेरीले प्रधानमन्त्री ओलीलाई भेटेर सरकार र पार्टीको धारणा के हो भनी पुनः प्रश्न सोधेको र प्रधानमन्त्री ओलीले अमेरिकी राजदूतलाई प्रचण्डको 'वर्ड स्लिप' भएको भनेको विषय सञ्चार माध्यममा छायो । यसपछि भेनेजुएला प्रकरणले नेकपा र सरकारभित्र झन् ठूलो प्रभाव पारेको विश्लेषण हुन थालेको छ । 

बिहीवार भरतपुरमा पत्रकारहरूसँग कुरा गर्दै प्रचण्डले आफ्नो वर्ड स्लिप नभएको भन्दै थप प्रष्टीकरण दिए । भेनेजुएला प्रकरणमा सचिवालयले जारी गरेको धारणा नै आधिकारिक भएको र कसले के बोल्छ भन्ने व्याक्तिगत कुराको कुनै अर्थ नरहेको प्रचण्डले बताए । यो सँगै नेकपाका अध्यक्षद्वयबीच नै शक्तिको टसल भएको अनुमान गर्न सकिन्छ । 

संसद्‍मा भेनेजुएला 

प्रमुख प्रतिपक्षी दल नेपाली कांग्रेसले भेनेजुएला प्रकरणमा सत्तारुढ दलका छुट्टा–छुट्टै विज्ञप्ति र अभिव्यक्तिले कूटनीतिक क्षेत्रमा भ्रम सिर्जना गरेको भन्दै कुन आधिकारिक हो भन्ने प्रस्ट पार्न प्रधानमन्त्रीसँग माग गरेको छ । प्रतिनिधि सभाको शुक्रवार बसेको बैठकको विशेष समयमा नेपाली कांग्रेसका सांसद् भीमसेन दास प्रधानले नेकपाका एउटा अध्यक्षले एउटा वक्तव्य जारी गर्ने र अर्कोले खण्डन गर्ने कामले कहीँ नभएको जात्रा नेपालमा भन्ने उखान चरितार्थ गरेको बताए ।

‘सत्तारुढ दलका दुईवटा अध्यक्षको दुईजिब्रे वक्तव्यले जनतामा भ्रम पारेको छ, संसदमार्फत् प्रधानमन्त्रीको आधिकारिक हो कि अर्को अध्यक्षको हो भन्ने प्रस्ट पार्न जरुरी छ,’ पूर्व रक्षामन्त्री समेत रहेका प्रधानले भने, ‘यसबारे प्रधानमन्त्रीको आधिकारिक वक्तव्य संसद्‍मा आउनुपर्छ ।’

उनले एउटा अध्यक्षले वक्तव्य जारी गर्ने र अर्कोले खण्डन गर्ने कार्यलाई कूटनीतिक क्षेत्रमा हास्यास्पद् रूपमा लिइएको टिप्पणी समेत गरे । 

‘हुन त हाम्रा प्रधानमन्त्री उखान टुट्काका हिमायती हो, एउटा उखान छ– तेल पोखेको सोर्न सकिन्छ, बोली पोखेको सोर्न मिल्दैन । यही संसद्माार्फत् भेनेजुएला प्रकरणमा कुरा राख्न प्रधानमन्त्रीसँग माग गर्न चाहन्छु ।’ 

त्यसअघि कांग्रेसकै सांसद् डिला संग्रौलाले भेनेजुएला प्रकरणबारे सरकारको जवाफ माग गरेकी थिइन् ।

पार्टीभित्र दुई धार   

गत जेठ ३ गते तत्कालीन नेकपा एमाले र माओवादी केन्द्र एकीकरण भएर बनेको नयाँ पार्टी नेपाल कम्युनिस्ट पार्टी(नेकपा) एकीकरणका बाँकी कार्यभार पूरा गर्ने कसरतमा छ । त्यसका लागि गठन गरिएको कार्यदलभित्र ठूलो विवाद रहेको कार्यदलकै एक सदस्य वेदुराम भुसालले लोकान्तरसँग खुलासा गरिसकेका छन् । यसबीचमा भेनेजुएला प्रकरण नेकपालाई टाउको दुखाइको विषय बनेको छ ।

पार्टीभित्र स्पष्ट रूपमा मत बाझिएको नेकपाका नेताहरू नै स्वीकार्छन् । 'भेनेजुएला प्रकरणलाई एउटा विज्ञप्तिमै सीमित गरिदिएको भए हुने,' एक केन्द्रीय सदस्यले भने, 'यसलाई अनावश्यक रूपमा तन्काउँदा पार्टीभित्र र समग्र देशकै कूटनीतिक मर्यादामाथि असर पर्छ । यसले पार्टीभित्र दुईधार सिर्जना भएको जस्तो देखिएको छ ।'

दुई धार सिर्जना भएकोजस्तो देखिएपनि अधिकांश नेताहरू भेनेजुएलामाथिको अमेरिकी हस्तक्षेपको विरुद्धमा उभिएका छन् । कतिपय नेताहरू बोलेका छैनन् ।

प्रधानमन्त्री ओली निकट एक नेताले भने, 'सरकारले अमेरिका जस्तो देशसँग कूटनीतिक सम्बन्ध बिगार्न चाहन्न । अध्यक्ष प्रचण्डज्यूको विज्ञप्ति हतारमा आयो, अलि छलफल गरेर एकदुई दिनमा विज्ञप्ति लेखेको भए पनि केही जाने थिएन । अमेरिकासँगको सम्बन्ध नराम्रो नहोस् भनेर प्रधानमन्त्रीज्यूले त्यसलाई सच्याउन खोज्नुभएको साँचो हो । बाहिर मत बाझिएको जस्तो देखिए पनि भित्र उहाँहरूबीच कुनै तीतो छैन ।'

नेपालले जस्तै विज्ञप्ति निकालेर भारतले पनि बाह्य हस्तक्षेपको विरोध गरेको थियो । तर अन्तर्राष्ट्रिय मामिलामा भारतको कूटनीतिक अडान बलियो भएकाले 'अमेरिकी भय'ले भारतको राजनीतिमा कुनै प्रभाव पारेको छैन । यदि भारतका प्रधानमन्त्री नरेन्द्र मोदीले कूटनीतिक नियोगका प्रमुखलाई बोलाएको खण्डमा भारतका लागि अमेरिकी राजदूत केनेथ लान जस्टरले अनुपस्थित हुने हिम्मत गर्ने थिएनन् । 

नेपालमा नेकपाको 'समाजवादी दम्भ' र अन्यको 'अमेरिकी भय'को बीचमा भेनेजुएला प्रकरण लम्बिरहेको छ । यसले समाजलाई दुई चिरा पारिदिएको छ भने बौद्धिक सर्कललाई पनि विभाजित गरिदिएको छ । समयक्रममा नेपालको अन्तर्राष्ट्रिय कूटनीतिक उपस्थितिलाई यो प्रकरणले गम्भीर असर भने गर्न सक्छ । 

hAMROPATRO BELOW NEWS
TATA Below
माघ १८, २०८०

चरम आर्थिक संकटबाट गुज्रिएको श्रीलंकाले सन् २०२२ को अन्त्यतिर औषधि किन्ने क्षमता पनि गुमाएको थियो । ५० अर्ब डलरभन्दा बढीको विदेशी ऋण 'डिफल्ट' भएको थियो भने लाखौंले रोजगारी गुमाएका थिए । दशौं लाख मान्छे...

माघ २, २०८०

आफ्नो तेस्रो कार्यकालको दोस्रो वर्षलाई प्रभावकारी बनाउने भनी दाबी गरेका प्रधानमन्त्री पुष्पकमल दाहाल ‘प्रचण्ड’ले कांग्रेस महामन्त्री गगन थापालगायत केही नेतासँग नियमित सल्लाह सुझाव लिन थालेका छन् । रा...

चैत १, २०८०

सर्वोच्च अदालतको परमादेशले प्रधानमन्त्रीबाट पदमुक्त भएपछि नेकपा एमालेका अध्यक्ष केपी शर्मा ओली बालुवाटारबाट रित्तो हात फर्केका थिए, २०७८ असार ३० गते । संसद् विघटनको अवगाल छँदै थियो, लामो समय सँगै राजनीति गर...

पुस ६, २०८०

एकाधबाहेक अधिकांश मन्त्रीले प्रभावकारी कार्यसम्पादन गर्न नसकेपछि प्रधानमन्त्री पुष्पकमल दाहाल ‘प्रचण्ड’ स्वयंले मन्त्रीहरूलाई प्रस्ट चेतावनी दिएका छन् । नेपालीलाई नक्कली भुटानी शरणार्थी बनाएर अमेरिका ला...

माघ १८, २०८०

सत्ता र शक्तिको आडमा गैरकानूनी ढंगले सरकारी जग्गा हडप्ने नेपालको शक्तिशाली व्यापारिक घराना चौधरी ग्रुपमाथि राज्यको निकायले पहिलोपटक छानबिन थालेको छ । काठमाडौंको बाँसबारीमा ठूलो परिमाणमा सरकारी जग्गा...

मंसिर २६, २०८०

दुई–दुईपटक मिर्गौला फेरेको शरीर । मध्यजाडो नजिकिँदै गरेका मंसिरका चिसा दिन । त्यसमाथि वृद्धावस्था । यस्तो बेला ७० नाघेकाहरूको अधिकांश समय ओछ्यानमै बित्छ । नभए पनि घरको चार दिबारभित्र आराम गरेर अनि तात...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x