काठमाडौं — भारतको पञ्जाबमा रहेको मोरिन्डा गाउँको धनौरीमा चोरहरूले एक बैंक लुट्ने प्रयास गरेका छन् । 

चोरहरूले बैंकको भित्तोमा ठूलो प्वाल पारेर भित्र छिर्ने बाटो बनाए । 

उनीहरू बैंकभित्र छिरेर सेफनजिक पुगे । तर बलियो सेफ उनीहरूले फुटाउन सकेनन् । उनीहरूले फलाम काट्ने औजार पनि लिएर आएका थिए । 

घटनाको सूचना पाउनेबित्तिकै बैंक अधिकारी र प्रहरी अधिकारी घटनास्थलमा पुगे । 

धनौरीस्थित एचडीएफसी बैंकको भित्तोमा चोरहरूले भ्वाङ पारेर भित्र छिरेपछि बलियो सेफ फोर्न सकेनन् । 

गाउँमा राति भएको यो घटनाका बारेमा मानिसहरूले बिहान थाहा पाए । भित्तोमा भ्वाङ देखेपछि उनीहरूले प्रहरीलाई खबर गरे । 

प्रहरीले चोरहरू व्यावसायिक किसिमका देखिएको बतायो । बैंकमा राखिएको सीसीटीभी क्यामरा र हूटरहको तारलाई चोरहरूले पहिले नै काटिसकेका थिए । यसले गर्दा सीसीटीभीमा चोरहरू देखिएनन् । 

प्रहरीले घटनाको अनुसन्धान गरिरहेको छ । 

एजेन्सी