काठमाडौं — अमेरिकाको न्युयोर्कमा बस्ने एक युवक डिजिटल माग्ने बनेर महिनाको लाखौं रुपैयाँ कमाइरहेका छन् । 

मागेर कमाएको पैसाले उनी विलासी जीवनशैली अपनाइरहेका छन् र सबै सोख पूरा गरिरहेका छन् । 

ट्विटरमा माग्ने गरेका यी युवकको नाम जोवन हिल हो । 

माग्ने पेशा अपनाउनुअघि उनी एक रेस्टुराँमा काम गर्थे । त्यहाँ उनले महिनाभरि काम गरेको लगभग डेढ लाख रुपैयाँ तलब पाउँथे । 

जोवनको ट्विटर अकाउन्टमा एक लाख १५ हजार फलोअरहरू छन् र उनैबाट उनीहरू पैसा माग्छन् । उनका अनुसार, उनी ट्विटरमा फलोअरहरूलाई सेवा उपलब्ध गराउँछन् र फलोअरहरू खुशी भएर उनलाई पैसा दिन्छन् । 

हरेक महिना उनी अन्लाइन भिक्षा मागेर ८ लाख रुपैयाँ कमाइरहेका छन् । त्यसबाट उनी आफ्ना महंगा सोखहरू पूरा गर्छन् । 

उनी अब फोर्ब्स पत्रिकाको सूचीमा प्रसिद्ध व्यापारीका रूपमा नाम दर्ता गराउने सपना देखिरहेका छन् । 

उनका अनुसार, ट्विटरमा उनका ट्वीट र लाइभ स्ट्रीमिङ मनोरञ्जक हुन्छन् जसलाई देखेर फलोअरहरू खुशी हुन्छन् र उसलाई पैसा दिन्छन् । 

एजेन्सी