काठमाडौं- कानून व्यवसायीहरुको छाता संगठन नेपाल बार एसोसिएशनको नयाँ नेतृत्वका लागि सोमवार मनोनयन दर्ता भएको छ । निर्वाचनमार्फत बार एसोसियसनले नयाँ नेतृत्वको चयन गर्नेछ ।

अधिवक्ता सुनिलकुमार पोखरेलले कांग्रेसनिकट कानून व्यवसायीको संगठन डेमोक्र्या्टिक लयर्स एसोसिएशन (डिलए)को तर्फबाट अध्यक्ष पदमा उम्मेदवारी दिएका छन् ।

त्यसैगरी सत्तारुढ नेकपा निकट कानून व्यवसायीको संगठन नेपाल लयर्स एसोसिएशन (एनएलए)को तर्फबाट अधिवक्ता चण्डेश्वर श्रेष्ठले अध्यक्ष पदमा उम्मेदवार दिएका छन् ।

लोकान्तरसँग कुरा गर्दै डीएलएका तर्फबाट अध्यक्ष पदका प्रत्यासी पोखरेलले न्यायपालिकामा रहेका विकृति सुधार्नका लागि आफ्नो उम्मेदवारी रहेको बताए ।