सुर्खेत– जिल्ला प्रहरी कार्यालय सुर्खेतले लागूऔषध नियन्त्रणमा कडाई गरेको छ । लागूऔषधसहित युवाहरु पक्राउ पर्ने क्रम पनि बढेको जिल्ला प्रहरी कार्यालय सुर्खेतले जनाएको छ । कार्यालयका सूचना अधिकारी एवम डिएसपी प्रदिपबहादुर क्षेत्रीले मंगलबार साँझ साढे पाँच र आठ बजे ६ जना युवालाई लागूऔषधसहित पक्राउ गरिएको हो । 

सुब्बाकुनाबाट साँझ साढे पाँच बजे वी.न.न.पा.९ बस्ने बर्ष २३ किरण घलेको साथबाट ३ ग्राम ४९० मिलिग्राम ब्राउनसुगर जस्तो देखिने खैरो पदार्थ फेला पारेको थियो । यस्तै प्रहरीले सोही स्थानमा फोर्स गाडीमा नेपालगञ्जबाट आउँदै गरेको वीननपा एकका १८ वर्षकी अमृता कार्कीको साथबाट ६ ग्राम ५८० मिलीग्राम ब्राउन सुगर जस्तो देखिने खैरो पदार्थ बरामद भएको प्रहरीले जनाएको छ । 

उक्त लागूऔषधसहित प्रहरीले वी.न.न.पा. ४ भैरबस्थानका सम्राट सापकोटा, वीननपा ९ लाटिकोइलीका अर्जुन खत्री, सोही स्थानका कुमार महतारा,  सागर सुनार र लाटीकोइलीकै १८ वर्षीया दिपा कडेंलसमेतलाई नियन्त्रण लिइ थप अनुसन्धान भइरहेको डिएसपी क्षेत्रीले बताए ।