काठमाडौं – बच्चाहरूलाई एक्लै पालनपोषण गर्ने एकल आमाले आफ्नो दशौं सन्तान जन्माएकी छन् । 

बेलायतको साउथह्याम्प्टनमा बस्ने एकल आमा सोन्या ओ लाफलिनका अनुसार, उनले कहिले पनि कन्डम प्रयोग गरेकी छैनन् । 

उनकी जेठी छोरीको उमेर नै १९ वर्ष छ र उनी आफ्ना भाइबहिनीलाई हुर्काउन आमाको सहायता गर्छिन् । 

दशौं बच्चाको जन्मअघि सोन्याको परिवारमा १९, १७, १६, १४, १३, १०, ७, ५ र १ वर्षका बच्चा छन् । यो परिवार चार बेडरूम भएको घरमा बस्छ । आमा जागिर गर्दिनन् तर बच्चाहरूका लागि सबैथोक गर्छिन् । उनी बच्चाहरूलाई

खाना पकाउनेदेखि स्कूल पु–याउनेसम्मको काम गर्छिन् । 

आमा र बुवा दुवैको भूमिका निर्वाह गर्न गाह्रो हुने उनको मान्यता छ । 

बच्चाहरूसँग व्यस्त रहने सोन्या आगामी दिनमा पेन्टिङ र डेकोरेटिङ कोर्स गर्न चाहन्छिन् । उनले आफ्नै बिजनेस शुरू गर्ने योजना बनाएकी छन् । 

अब परिवारमा संख्या नथप्ने पनि उनले बताएकी छन् । बच्चाहरूलाई पाल्न कठिन भएकाले सन्तानको संख्या नथप्ने उनले बताएकी हुन् ।

एजेन्सी