काठमाडौं – लक्ष्मी बैंकले आफ्ना ग्राहकलाई स्वस्थ जीवनशैलीतर्फ प्रोत्साहित गर्ने उद्देश्यले लक्ष्मी आरोग्य नामक स्वास्थ्य रआरोग्य सम्बन्धी कार्यक्रमको शुरूवात गरेको छ ।

लक्ष्मी बैंकमा खाता हुने सम्पूर्ण ग्राहकहरू समावेश हुनसक्ने योजना अन्तर्गत ग्राहकले काठमाडौं उपत्यकाका विभिन्न ख्यातिप्राप्त अस्पताल तथा स्वास्थ्य संस्थाको सेवामा विशेष छुट प्राप्त गर्न सक्नेछन् ।

विभिन्न अस्पताल तथा स्वास्थ्य संस्थासँग गरिएको सम्झौता अन्तर्गत बैंकका ग्राहकले साझेदार अस्पतालमा २०% सम्म तथा आरोग्य केन्द्रहरूमा ३०% छुट प्राप्त गर्न सक्नेछन् । 

लक्ष्मी बैंकको डेबिट तथा क्रेडिट कार्ड प्रयोग गरेर समेत यो सुविधा प्राप्त गर्न सकिने छ । यसका अतिरिक्त लक्ष्मी बैंकका ग्राहक तथा तीनका परिवारलाई आफ्नो सेवामा प्राथमिकता प्रदान गर्न समेत सहभागी अस्पताल तथा स्वास्थ्य केन्द्रहरू सहमत भएका छन् ।

सन् २००२ मा स्थापित लक्ष्मी बैंकले आफ्ना शाखा लगायत विभिन्न सूचना प्रविधिमैत्री माध्यमबाट ग्राहकलाई बैंकिङ सेवा प्रदान गर्दै आएको छ । 

हाल लक्ष्मी बैंकको सञ्जालमा ४६ जिल्लामा ९९ शाखा तथा ५ अस्पताल सेवा काउन्टर, ११४ एटीएम तथा देशभर २५०० विप्रेषण एजेन्ट तथा ५१ शाखारहित बैंकिङ एजेन्ट समावेश छन् ।