काठमाडौं– विश्वमा सबैभन्दा खुसी देशको सूचीमा यसवर्ष फिनल्याण्ड पहिलो नम्बरमा परेको छ । 
विश्व खुसी दिवसको अवसरमा बुधबार सार्वजनिक गरिएको राष्ट्रसंघीय सूचीमा दोस्रो नम्बरमा डेनमार्क, तेस्रोमा नर्वे, चौथोमा आइसल्याण्ड, पाँचौंमा नेदरल्याण्ड परेका छन् । 
यस्तै छटौदेखि दशौंसम्म क्रमशः स्वीजरल्याण्ड,  स्वीडेन, न्यूजील्याण्ड, क्यानडा र अष्ट्रेलिया छन् । 
यो सूचीमा नेपाल १०० औं स्थानमा रहँदा विश्वमा सबैभन्दा कम खुसी देशको सूचीमा दक्षिण सुडान परेको छ । कान्तिपुर दैनिकमा खबर छ ।