त्रिशूली ‘बी’को शेयरमा प्रधानमन्त्रीको पहिलो आवेदन

चैत ७, २०७५

काठमाडौं- प्रधानमन्त्री केपी शर्मा ओलीले जनताको जलविद्युत् कार्यक्रमअन्तर्गत त्रिशूली ‘बी’ को शेयर खरीद गरी बिहीवार जनताको शेयर आवेदन शुभारम्भ गरेका छन् । 

ऊर्जा, जलस्रोत तथा सिँचाइ मन्त्रालयले प्रधानमन्त्री निवास बालुवाटारमा आयोजना गरेको कार्यक्रममा उनले १० हजार कित्ता शेयरका लागि आवेदन दिएका हुन् । उनकी धर्मपत्नी राधिका शाक्यले १० हजार, ऊर्जामन्त्री वर्षमान पुनले एक हजार र पूर्वसभामुख ओनसरी घर्तीले दुई हजार कित्ताका लागि आवेदन दिए ।


ADVERTISEMENT

यस आयोजनामा शुरुमा शेयरका लागि १० प्रतिशत रकम मात्र दिए पुग्छ । यो आवेदन यही चैत ११ गतेसम्म जारी रहनेछ । 

‘नेपालको पानी, जनताको लगानी, हरेक नेपाली विद्युत्को शेयरधनी’को नारासहित सो कार्यक्रम गत फागुन २ गते उद्घाटन गरिएको थियो । 

चैत ७, २०७५ मा प्रकाशित

प्रतिक्रिया दिनुहोस