काठमाडौँ– कक्षा १० को अन्तिममा सञ्चालन गरिने माध्यमिक शिक्षा परीक्षा (एसईई) अब माध्यमिक तहको सुरु वा अन्तिम परीक्षा होइन, तर तामझाम र सुरक्षा तयारी भने विगतको जस्तै छ ।
आजको गोरखापत्र दैनिक लेख्छ–माध्यमिक तह कक्षा ९ बाट सुरु हुन्छ भने कक्षा १२ मा अन्त्य हुन्छ । गत २०७४ सालमा एसईई (साविक एसएलसी) परीक्षा सङ्घस्तरबाट सञ्चालन हुने गरी अन्तिम हुने भनिएको थियो र यस वर्ष पनि त्यही भनिएको छ । 
कानुनतः एसईई परीक्षाको सम्पूर्ण जिम्मा प्रदेशमा रहने व्यवस्था छ तर परीक्षासम्बन्धी सबै जिम्मेवारी प्रदेशमा हस्तान्तरण गरिएको छैन र अधिकाँश जिम्मेवारी सङ्घमै निहित छ ।