सेनेटरी प्याड लिएर एसईई परीक्षा केन्द्र पुग्यो प्रजिअको टोली

चैत १०, २०७५

धनुषा– यस वर्षको माध्यमिक शिक्षा परीक्षा (एसईई)मा धनुषा जिल्लाबाट १० हजार ४ सय ८५ विद्यार्थी सहभागी हुँदैछन् । जसमा ग्रेड वृद्धिका लागि ८ सय जनाले परीक्षा दिँदैछन् । धनुषामा ४३ वटा परीक्षा केन्द्र निर्धारण गरिएको छ । 

परीक्षाको अनुगमनका लागि प्रमुख जिल्ला अधिकारी प्रदीपराज कनेलसहितको टोली खटिएको छ । शिक्षा विकास तथा समन्वय इकाइका प्रमुख बल्खुप्रसाद रजकलगायत विभिन्न कार्यालयका शाखा अधिकृतहरु अनुगमन टोलीमा सहभागी छन् । 


ADVERTISEMENT

परीक्षामा सहभागी छात्राहरूमा महिनावारी भएको हुनसक्ने र महिनावारीकै कारण उनीहरूलाई परीक्षा दिन समस्या नहोस् भन्नाका लागि अनुगमन टोलीले सेनेटरी प्याड लिएर परीक्षा केन्द्र पुगेको छ । अनुगमन टोलीले महिनावारी भएका छात्राहरूलाई सेनेटरी प्याड उपलब्ध गराउने उदेश्यले सेनेटरी प्याड लिएर परीक्षा केन्द्र पुगेको हो । यसअघि परीक्षा केन्द्रमै सेनेटरी प्याडको व्यवस्था गरिने गरेपनि यसपाली सबै केन्द्रमा त्यो व्यवस्था नभएको पाइएको छ । 

तस्वीरमा जनकपुरधाम उपमहानगरपालिकाका शिक्षा शाखाका उपसचिव मेहिलाल यादव ।

चैत १०, २०७५ मा प्रकाशित

अजय अनुरागी

अजय अनुरागी लोकान्तरका लागि प्रदेश नम्बर दुई प्रतिनिधि हुन् । 

लेखकबाट थप...

प्रतिक्रिया दिनुहोस