काठमाडौं– अहिले भारतमा १० र १२ कक्षाको बोर्ड परीक्षा चलिरहेको छ । आफ्नो करियर बनाउनकै लागि छात्रछात्राहरूले मिहेनत गरिरहेका छन् । तर भारतका फिल्मी क्षेत्रका कतिपय कलाकारहरूले विद्यालय नै गएका छैनन् भने कतिपयले फेल भएपछि शिक्षालाई निरन्तरता दिएका छैनन् ।

बलिउडका स्टार कलाकारहरू विद्यालय नै गएका छैनन् र कलेजमा पढेकै छैनन् भन्दा अचम्म लाग्न सक्छ । तर, उनीहरूले अध्ययनतर्फबाट भन्दा पनि कलाकारीता क्षेत्रबाटै आफ्नो उच्च पहिचान बनाएका छन् । 

आमिर खान– खान २५ वर्षभन्दा बढी समयदेखि फिल्मी क्षेत्रमा छन् । उनले कुन विद्यालयमा कहिले र कति पढे भन्ने रेकर्ड छैन । एक टेलिभिजन च्यानलसँगको अन्तर्वार्ताका क्रममा उनले विद्यालयसँग आफ्नो कुनै नाता नरहेको बताएका छन् । 

सलमान खान– सिंधिया स्कुल ग्वालियर र सेन्ट स्टीन्सलाँ स्कुल मुम्बइपछि उनले नेश्नल कलेज मुम्बइमा भर्ना भए । तर त्यसपछि उनी कलेज गएका छैनन् । सलमानले माध्यमीक शिक्षासम्म अध्ययन गरेका छन् ।

अक्षय कुमार– अक्षय खालसा कलेज मुम्बइमा ११ कक्षामा भर्ना भए । तर त्यसपछिको उच्चशिक्षाबाट उनी टाँढै छन् । एक अन्तरर्वार्तामा उनले भनेकाछन्, ‘विद्यालय शिक्षालाई प्राथमिकता दिइन र अनुशासन नै ठूलो कुरा हो ।’

कट्रिना कैफ– अभिनेत्री कटरीना क्याफ पनि विद्यालय जान पाइनन् । ७ भाइबहिनीमा उनी एक हुन् जो सानै उमेरमा परिवारसँग अलग हुनु परेको थियो । उनी १४ वर्षकै उमेरमा मोडलिङ क्षेत्रमा लागेकी थिइन् । जसका कारण उनले पढाइलाई निरन्तरता दिन सकिनन् ।

दीपिका पादुकोण– माध्यमीक स्तरको पढाइमा हासिल गरेकी छिन् । सोफिँया स्कुल बैंलोरबाट विद्यालय तहको शिक्षा उनले प्राप्त गरेकी हुन् । 

करिश्मा कपुर– एकपछि अर्को हिट फिल्म गरेकी करिश्माले मात्र ६ कक्षा पढेकी छन् । 

आलिया भट्ट– आलियाले पनि विद्यालय तहको शिक्षा लिएकी छन् । सानै उमेरमा फिल्मी क्षेत्रमा प्रवेश गरेकी उनले विद्यालयपछि कलेजको शिक्षालाई निरन्तरता दिन भ्याइनन् । 

काजोल– अभिनेत्री काजोल पनि कम अध्ययन गरेकी अभिनेत्रीभित्र नै परेकी छन् । उनले पनि विद्यालय तहको शिक्षा मात्रै हासिल गरेकी छिन् । 

कंगना रनौत– कंगनाले पनि उच्च शिक्षामा पछि परेकी छन् । उनी १२ कक्षामा फेल भएकी थिइन् । फेल भएपछि उनले पढ्ने मानसिकता नै त्यागेकी हुन् । 

अर्जुन कपुर– अर्जुन पनि १२ कक्षा फेल भएका अभिनेता हुन् । बलिउडमा जमेका उनी उच्चशिक्षामा भन्दा पनि फिल्मी क्षेत्रमा बढी लगाव भएका कलाकारमा पर्दछन् ।