काठमाडौं। गायक सोनाहाङ राईको स्वर रहेको नयाँ गीत ‘किन किन’ सार्वजनिक गरिएको छ । 

शनिबार युट्युबमार्फत् सार्वजनिक गरिएको गीतमा पुरुषोत्तम न्यौपानेको संगीत तथा गोविन्द हुमागाईंको शब्द रहेको छ ।

भिडियोमा छोराले आफ्नो श्रीमतीको कुरा सुनेर आफ्नो आमा बाबुलाई बृद्धाआश्रमसम्म पुर्याएको देखाइएको छ ।

शान थापाले भिडियोको निर्देशन गरेका हुन् । उनले अहिले नेपालमा भइरहेको वास्तविक कथालाई भिडियोमा उतार्ने प्रयास गरिएको बताए । उनि भन्छन् –‘यस्तो कथा अहिले नेपालमा प्रसस्तै पाइन्छ । हामीले त्यसैलाई भिडियोमा उतारेका छौँ ।’

सार्वजनिक भिडियोमा दिपक आचार्य (काकु), सुनिता श्रेष्ठ, सिर्जना जिसी, दिप्सन लुइँटेलको अभिनय रहेको छ । दिप्सन संचार क्षेत्रमा सक्रिय छन् । 

भिडियोमा बाल कलाकारको रुपमा सर्वज्ञ काफ्ले र उज्जवल शाक्यले अभिनय गरेका छन् । राजिव समर सहायक निर्देशक रहेको भिडियोमा अर्जुन तिवारीको छायांकन तथा सुप्रिम पराजुलीको सम्पादन रहेको छ ।

त्यस्तै गायक सोनाहाङ राई आफू गीतबाट निकै आशावादी रहेको बताउँछन् । उनले भने, ‘गीतले अहिलेको समसामयिक कुराहरुलाई उठाएको छ । गीत अनुसारको भिडियो पनि राम्रो बनेको छ । गीतबाट धेरै आशावादी छु ।’