×

NMB BANK
NIC ASIA

निगरानी सरकारी सम्पत्तिमाथि : भाग- १४

कृषि मन्त्रालयमा लूट : मन्त्री र राज्यमन्त्रीकै प्रयोजनमा ११ गाडी, ४ मोटरसाइकल !

मन्त्रीको प्रयोजनमा मासिक ७१० र राज्यमन्त्रीलाई ५९० लिटर इन्धन

बैशाख २, २०७६

NTC
Sarbottam
Premier Steels
Marvel

काठमाडौं – कृषि तथा पशुपन्छी विकास मन्त्रालयमा मन्त्री, राज्यमन्त्री र सचिवालयका नाममा मात्रै ११ वटा गाडी प्रयोग हुँदै आएको पाइएको छ ।

Sagarmatha Cement
Muktinath Bank

मन्त्रालयले लोकान्तरलाई उपलब्ध गराएको विवरणमा मन्त्री चक्रपाणि खनालको व्यक्तिगत प्रयोजनका लागि ३ र सचिवालयलाई ३ गरी ६ तथा राज्यमन्त्री रामकुमारी चौधरीको व्यक्तिगत प्रयोजनका लागि २ र सचिवालयका लागि ३ गरी ५ सहित ११ सवारी साधन प्रयोग हुँदै आएको पाइएको हो ।


Advertisment
RMC TANSEN
IME BANK INNEWS
shivam ISLAND

बा२झ २५४२ नम्बरको फोर्ड इन्डेभेर जीप, बा२झ २५४३ नम्बरको प्राडो जीप र बा२झ ८८८४ नम्बरको सेराटो कार मन्त्री खनालले प्रयोग गर्दै आएका छन् । यसमध्ये एउटा जीप फागुनयता मर्मतका लागि कम्पनीमा रहेको विवरणमा उल्लेख छ ।


Advertisment
Nabil box
Kumari

बा२झ ३२३९ नम्बरको महिन्द्रा स्कोर्पियो मन्त्री खनालका स्वकीय सचिव सरोज खनालले चढ्छन् । मन्त्री खनालले सचिवालयकै नाममा बा२झ ३८६८ र बा१झ ९९९८ नम्बरको गाडी पनि लिएका छन् ।

Vianet communication
Laxmi Bank

राज्यमन्त्री चौधरीले बा२झ १३९६ नम्बरको टोयटा जीप र बा२झ ८२२८ नम्बरको कियाकार चढ्छिन् । उनले सचिवालयका लागि बा२झ १५६२ नम्बरको निशान जीप र फोर्ड कार सचिवालयका नाममा लिएकी छन् । फोर्ड कार स्वकीय सचिव ङामुक लिम्बू चढ्छन् । राज्यमन्त्री चौधरीको निजी सचिव पद्मा पोखरेलले बीएए १४४३ नम्बरको महिन्द्रा गाडी चढ्दै आएकी छन् ।

यतिमात्र होइन, मन्त्रीले २ र राज्यमन्त्रीले २ मोटरसाइकल समेत सचिवालयका लागि भनेर लिएका छन् । मन्त्रीको सचिवालयका लागि लिएको मोटरसाइकल सचिवालयका राजेन्द्र राना र प्रेस सल्लाहकार बोमलाल गिरीले चढ्छन् भने राज्यमन्त्रीको सचिवालयको नाममा लिएका मोटरसाइकल कुमार जिरो राई र यमराज बोहोराले चढ्दै आएको देखिन्छ ।

मन्त्रीसँग दुईवटा गाडी मात्र छ: प्रेस सल्लाहकार गिरी

मन्त्री खनालका प्रेस सल्लाहकार बोमलाल गिरीले मन्त्रीसँग २ वटा मात्र गाडी रहेको बताए । ‘मैले त मन्त्रीज्यूसँग दुईवटा गाडी मात्र रहेको देखेको छु, तेस्रो गाडी कहाँबाट आयो ?’ गिरीले प्रश्न गर्दै भने, ‘दुईवटा गाडी त मन्त्रीका लागि आवश्यक नै हुन्छ ।’

उनले सचिवालयसँग पनि दुईवटा गाडी मात्र रहेको बताए । ‘एउटा स्वकीय सचिवले चढ्नुहुन्छ, अर्को सचिवालयमा पूलमा छ,’ गिरीले भने ।

मन्त्री खनालको निजी सचिवालयमा रहेका शाखा अधिकृत सुरेन्द्र सुवेदीले मन्त्रीसँग दुईवटा गाडी रहेको र अर्को एउटा मर्मतमा रहेको बताए, जुन कुरा मन्त्रालयले उपलब्ध गराएको विवरणमा पनि उल्लेख छ । फागुनयता मर्मतमा रहेको भनिएको गाडी त्यसअघि मन्त्रीले नै प्रयोग गर्दै आएको देखिन्छ ।

सचिवालयको एउटा गाडी भने फिर्ता गर्ने प्रक्रियामा रहेको सुवेदीले बताए । ‘निजी सचिव अर्जुन भण्डारी सर सीडीओ बनेर सरुवा भएपछि उहाँले प्रयोग गर्दै आएको गाडी फिर्ता गर्ने प्रक्रियामा छौं,’ उनले भने, ‘अर्को एउटा पुलको गाडी आवश्यकताअनुसार चढ्ने गरिएको छ ।

सचिवलाई २/२ गाडी 

कृषितर्फका सचिव युवकध्वज जिसी र पशुपन्छी तर्फका सचिव प्रकाश माथेमाले २/२ वटा गाडी प्रयोग गर्दै आएका छन् । दुवैले १/१ वटा गाडी भने फिल्ड प्रयोजनका लागि प्रयोग गर्ने गरेको मन्त्रालयले जनाएको छ । सचिव जिसी बा२झ ३८६७ नम्बरको टोयटा फर्चुनर र बा२झ ३५८८ नम्बरको कियाकार चढ्छन् । सचिवमा थेमाले भने बा२झ ३५८० नम्बरको स्कोर्पियो र बा२झ ३६०२ नम्बरको कियाकार चढ्ने गरेका छन् ।

सवारीमा धनी मन्त्रालय, सहसचिव र उपसचिव सबैलाई गाडी 

मन्त्रालयले सहसचिव र उपसचिव सबैलाई गाडी उपलब्ध गराएको छ । केही उपसचिवले भने साझेदारीमा गाडी प्रयोग गर्ने गरेको मन्त्रालयले उपलब्ध गराएको विवरणमा देखिन्छ ।

मन्त्रालयमा ४ पांग्रे र २ पांग्रे दुवै प्रकृतिका सवारी उल्लेख्य मात्रामा रहेको पाइएको छ । मन्त्रालयमा ४४ वटा ४ पांग्रे र १ सय ५० दुईपांग्रे सवारी साधन छन् । त्यसमध्ये एउटा गाडी बिग्रिएर कामै नलाग्ने अवस्थामा रहेकाले लिलामीको प्रक्रियामा रहेको जनाइएको छ । 

हेर्नुहोस्, ४ पांग्रे सवारीसाधन प्रयोगकर्ताको विवरण:


 

क–कसले चढ्छन् मोटरसाइकल ?

मन्त्रालयको स्वामित्वमा १ सय ५० वटा मोटरसाइकल रहेको देखिन्छ, त्यसमध्ये ८ वटा बिग्रिएर थन्किएका छन् । शाखा अधिकृत, नायव सुब्बा लगायतले मोटरसाइकल चढ्ने गरेको देखिन्छ ।

हेर्नुहोस्, मोटरसाइकल/स्कूटर प्रयोगकर्ताको विवरण :

मन्त्रीको प्रयोजनमा मासिक ७१० र राज्यमन्त्रीलाई ५९० लिटर इन्धन

मन्त्री खनालका ३ गाडीलाई मासिक १८०, १५० र ५० गरी ३८० लिटर इन्धन मन्त्रालयले उपलब्ध गराउँछ । सचिवालयका ३ गाडीका लागि १६०, ९० र ८० गरी ३३० लिटर इन्धन उपलब्ध हुने गरेको देखिन्छ । ६ वटै गाडीले मासिक पाउने कूल इन्धन ७१० लिटर हुन आउँछ ।

राज्यमन्त्री चौधरीका २ गाडीलाई मासिक २०० र ६० गरी २६० तथा उनको सचिवालयका ३ गाडीलाई १२०, ११० र १०० गरी ३३० लिटर गरी मासिक कूल ५९० लिटर इन्धन मन्त्रालयले उपलब्ध गराउने गरेको छ ।
सहसचिव र उपसचिवहरूले प्रतिसवारी बढीमा १५० देखि घटीमा ४० लिटरसम्म इन्धन मासिक लिने गरेका छन् । इन्धनसम्बन्धी विवरण माथि राखिएको तस्वीरहरूमा नै उल्लेख छ ।

हेर्नुहोस् शृंखलाका १३ भाग :-

भाग- १३ : सिंहदरबारभित्रै चरम बेथिति, उपसचिवले पनि लिन्छन् मन्त्रीसरह इन्धन !

भाग- १२ : सरकारी सम्पत्तिमा खिया : वन विभागका ६० प्रतिशतभन्दा बढी गाडी कुहिएर उम्रियो झार !

भाग- ११ : प्रधानमन्त्रीकै वरिपरि अपारदर्शी कर्मचारी, २२ दिन कुराएर सूचना दिन कन्जुस्याइँ

भाग- १० : विद्युत् प्राधिकरणको गाडीमा मन्त्रीको रजाइँ, सचिवालयका २ सहित ४ गाडी मन्त्रीको प्रयोजनमा

भाग- ९ : सरकारी गाडीमा मन्त्रीका सल्लाहकारको रजाइँ- कसैलाई प्राडो, कसैलाई पजेरो !

भाग- ८ : उपराष्ट्रपतिकै प्रयोजनमा १० गाडी, फरक ब्राण्ड र समयमा किनिएका गाडीको मूल्य उही !​

भाग- ७ : मानव अधिकार आयोगमा गाडीको लश्कर, अध्यक्षभन्दा सदस्य चढ्छन् महंगो र नयाँ गाडी

भाग- ६ : सञ्चार मन्त्रालयका पाँच गाडी ‘पूल’मा, क–कसले लिन्छन् सवारी सुविधा ?

भाग- ५ : भूमि व्यवस्था मन्त्रीको सचिवालयलाई नै दुई गाडी, पाँचवटा बिग्रिएर प्रयोगविहीन !

भाग- ४ : यातायात मन्त्रालयका सचिवलाई सेतो र रातो प्लेटका दुई गाडी, एउटैको मूल्य करोडभन्दा बढी !

भाग- ३ : शहरी विकासमा मन्त्रीका आसेपासेको रजगज, सचिवलाई दिउँसो र बेलुका बेग्लाबेग्लै गाडी !

भाग- २ : महिला मन्त्रीलाई काठमाडौंभित्र र बाहिरलाई छुट्टाछुट्टै गाडी, उपसचिवलाई मन्त्रीसरह इन्धन !

भाग- १ : खेलकुद मन्त्रालयका सचिवलाई दुई विलासी गाडी, कार्यालय सहयोगीसम्मलाई सवारी सुविधा [विवरणसहित]

hAMROPATRO BELOW NEWS
TATA Below
चैत ७, २०८०

पोखरा क्षेत्रीय अन्तर्राष्ट्रिय विमानस्थल निर्माण अनियमितता प्रकरणमा समेत अर्थमन्त्री वर्षमान पुनको भूमिका शंकास्पद देखिएको छ । २०६८ सालमा अर्थमन्त्री रहेका बेला पुनले प्रचलित कानून, विधि र मापदण्डविपरीत विमानस्थल ...

मंसिर ५, २०८०

संसदीय लोकतन्त्रलाई आदर्श मान्ने नेपाली कांग्रेसका सभापति एवं संसदीय दलका नेता शेरबहादुर देउवादेखि नयाँ दलको रूपमा उदाएको रास्वपाका सांसद स्वर्णिम वाग्ले तथा शिशिर खनालसम्मले महिनामा एकदिन पनि हाजिरी नग...

पुस २०, २०८०

मकवानपुरको साबिक हर्नामाडी गाविसका रुद्रप्रसाद खतिवडाले २०८० साल कात्तिक २३ गते यातायात कार्यालय चितवनबाट 'ए' र 'बी' वर्ग (मोटरसाइकल, स्कूटर कार, जीप, भ्यान)को लाइसेन्स नवीकरण गराएका छन्...

मंसिर १८, २०८०

प्रत्येक भाषणमा पारदर्शिता र सुशासनको गफ लगाउने प्रधानमन्त्री पुष्पकमल दाहाल ‘प्रचण्ड’ले आफ्नो सचिवालयलाई निकै जम्बो बनाएको पाइएको छ । परिवारका सदस्यदेखि आफूनिकटका व्यक्ति समेत झन्डै ३ दर्जन बढीलाई निय...

मंसिर १५, २०८०

धनुषाको शहीदनगर नगरपालिकाका तत्कालीन शिक्षा संयोजक धनेश्वर यादवले झण्डै २ करोड पेस्की लिएर विभिन्न कार्यक्रमका नाममा नक्कली बिल भर्पाइ पेस गरि अनियमितता गरेको पाइएको छ । धनुषाको लक्ष्मीनियाँ गाउँपालिका...

पुस २, २०८०

कार्यक्रम : राष्ट्रपति, उपराष्ट्रपतिसहित भीभीआईपीहरूको लर्को लागेको एउटा भव्य विवाह समारोह । ​ मिति : २०८० साल, मंसिर २९ गते, शुक्रवार​ स्थान : गोकर्ण रिसोर्ट, काठमाडौं । (पाँच तारे स्तरको डिलक्स रिसोर्ट) ...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x