कात्तिक २७, २०८०
तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...
बैशाख ४, २०७६
बुटवल – रूपन्देहीको भैरहवामा निर्माणाधीन गौतमबुद्ध अन्तर्राष्ट्रिय विमानस्थलको धावनमार्ग (रनवे) कालोपत्रे गर्ने कार्य अन्तिम चरणमा पुगेको छ ।
धावनमार्ग निर्माण सम्पन्न भएपछि अन्तर्राष्ट्रिय स्तरका उडान भर्न सकिन्छ । ४ तहमा निर्माण हुने धावन मार्गको ३ तहमध्ये पहिलो र दोस्रो तह र तेस्रो तह सम्पन्न भएको छ भने अन्तिम चरणको कालोपत्रे गर्ने काम अन्तिम चरणमा पुगेको छ ।
धावन मार्गको प्रत्येक पत्र कालोपत्रे ७ दशमलव ५ मिटरको छ । धावन मार्गको लम्बाई ३ किलोमिटर छ । आयोजना प्रमुख प्रवेश अधिकारीले वैशाखभित्र धावन मार्ग निर्माण सम्पन्न गर्ने गरी काम भइरहेको बताए ।
धावन मार्ग कात्तिकदेखि कालोपत्रे गर्न शुुरू गरिएको थियो । तत्कालीन पर्यटनमन्त्री स्व. रवीन्द्र अधिकारीले कालोपत्रे काम शुुरू गरेका थिए । धावन मार्ग ‘ट्याक्सी वे’ सँग जोडिने छ । धावन मार्ग विमानस्थलको मेरुदण्ड मानिन्छ । अधिकारीले थपे, ‘बाधा अवरोध नआए अबको ३ हप्ताभित्र रनवे निर्माण सम्पन्न हुन्छ ।’
धावनमार्ग पूर्णरुपमा तयार भएपश्चात् आपतकालीन अवस्थामा काठमाडौंमा अवतरण हुन नसक्ने अन्तर्राष्ट्रिय उडानका विमानलाई लुम्बिनीमा अवतरण गराउन सकिने आयोजना प्रमुख अधिकारीले बताए । आयोजनामा हालसम्म ७० प्रतिशतभन्दा बढी काम सकिएको छ ।
चिनियाँ ठेकेदार कम्पनी नर्थ वेस्ट सिभिल एभिएसन एयरपोर्ट कन्स्ट्रक्सनले निर्माणको कामलाई तीब्रताका साथ अगाडि बढाएको छ । दिनरात गरेर १ सय ५० जना कामदार खटिएका छन्, जसमध्ये ७० जना चिनियाँ छन् ।
ट्याक्सी–वेको काम पनि धमाधम भइरहेको छ । १ सय ६० वटा ट्याक्सी पार्किङ गर्ने पार्किङस्थल बनाइँदै छ । ट्याक्सी–वेको लम्बाई १ हजार १ सय मिटर लामो र २३ मिटर चौडाइको हुुनेछ ।
त्रिभुवन अन्तर्राष्ट्रिय विमानस्थल साँघुरो भएको, कुनै पनि समस्या आउँदा भारत र नजिकका विभिन्न विमानस्थलमा जहाज डाइभर्ट गर्नुपर्ने बाध्यता गौतमबुुद्ध विमानस्थल बनेपछि अन्त्य हुने अपेक्षा गरिएको छ ।
अन्तर्राष्ट्रिय उडान तथा अवतरणका लागि आवश्यक पर्ने ‘आईकाओ’बाट प्रमाणपत्र प्राप्ति लगायत सम्पूर्ण कार्य पनि सन् २०१९ भित्र पूूरा हुनेछन् ।
सरकारले घोषणा गरेको नेपाल भ्रमण वर्ष २०२० लाई लक्षित गर्दै सोही वर्षको पहिलो महिनाभित्रै अन्तर्राष्ट्रिय उडान भर्ने अधिकारीले बताए । प्रदेश सरकारले पनि लुुम्बिनी भ्रमण वर्ष घोषणा गरेको छ । त्यसैले विमानस्थल छिटो सम्पन्न भए लुम्बिनी आउने पर्यटन बढ्ने प्रदेश सरकारको अपेक्षा छ ।
तर त्योभन्दा अघि विमानस्थलमा परीक्षण उडान सम्पन्न गराउने योजना रहेको उनले बताए । विमानस्थलका अन्य भौतिक पूर्वाधार निर्माण कार्य पनि समानन्तर रुपमा भइरहेको छ । तोकिएको समयावधिभित्र भौतिक संरचना निर्माण सम्पन्न हुने आयोजनाको दाबी छ ।
निर्माण सम्पन्न गर्ने अन्तिम मिति २८ जुुन २०१९ सम्म रहेको छ । हाल विमानस्थलको धावन मार्गमा अन्तिम तहको कालोपत्रे, टर्मिनल भवन, पानी ट्यांकी, कन्ट्रोल टावर लगायतको काम धमाधम भइरहेको छ ।
टर्मिनल भवनको छाना हाल्न बाँकी छ । छाना आइसकेको र केही दिनभित्रै छाना हाल्ने काम शुरू हुने आयोजना प्रमुख अधिकारीले बताए । टर्मिनल भवनको आगमन र प्रस्थान एवं प्रशासनिक भवनको पनि निर्माण कार्य अन्तिम चरणमा पुगेको छ । त्यहाँ विद्युत् जडान र अन्य काम पनि भइरहेको छ । ७ तलाको हुने कन्ट्रोल टावर निर्माण भइसकेको छ । उडान र अवतरणमा प्रयोग हुने विद्युतीय उपकरण जडान गर्न बाँकी रहेको आयोजनाले जनाएको छ ।
विमान पार्किङस्थल (एप्रोन) को काम पूरा भइसकेको छ । कुल ६ अर्ब २२ करोड ५१ लाख २० हजार २ सय २७ रुपैयाँ लगानीमा निर्माणाधीन विमानस्थलमा एसियाली विकास बैंक (एडीबी) को ४० दशमलव ५ प्रतिशत ऋण तथा १८ प्रतिशत अनुदान रहेको छ ।
लुम्बिनीमा त्रिभुवन अन्तर्राष्ट्रिय विमानस्थलमा अवतरण गर्ने सबै जहाज अवतरण गर्न सक्छन् । विमानस्थलको दीर्घकालीन लक्ष्य दैनिक १६ हजार यात्रुलाई सेवा दिने रहेको छ । दैनिक १६ हजारका दरले वार्षिक करिब ६० लाख यात्रु विमानस्थल भएर यात्रा गर्ने सरकारी आकलन छ ।
तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
भैहवाबाट झण्डै २० किलोमिटर पश्चिममा छ रुपन्देहीको सियारी–५ मा बैदौली गाउँ । सोही गाउँकी ३३ वर्षीया सावित्रा खरेल खनाल आमा बन्ने खुसीको मुखैमा थिइन् । विवाह गरेको दुई वर्ष मात्रै पुग्नै लाग्दा सावित्रा आम...
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...