काठमाडौं- सिटी एक्सप्रेस मनी ट्रान्सफर यूकेको औपचारिक उद्घाटन समारोह वैशाख ८ गते आइतवार यूकेको रेडिङस्थित कार्यालयमा सम्पन्न भएको छ ।

उक्त कार्यक्रममा यूकेका लागि नेपालका राजदूत डा.दुर्गा बहादुर सुवेदी प्रमुख अतिथिका रूपमा रहेका थिए । साथै एनआरएन यूकेका अध्यक्ष योग कुमार फगामी, रेडिङ नेपाल समाजका अध्यक्ष टेक बहादुर गुरुङ, सिटी एक्सप्रेस मनी ट्रान्सफर नेपालका प्रबन्ध निर्देशक चन्द्र टण्डन, सिटी एक्सप्रेस मनी ट्रान्सफर नेपालका उपाध्यक्ष डोल राजशर्मा, सिटी एक्सप्रेस मनी ट्रान्सफर जापानका अध्यक्ष एवं प्रमुख कार्यकारीअधिकृत महेश कुमार श्रेष्ठ र सिटी एक्सप्रेस मनी ट्रान्सफर यूके लिमिटेडका प्रबन्ध निर्देशक करम बहादुर गुरुङले संयुक्त रूपमा उद्घाटन गरेका थिए ।  

सिटी एक्सप्रेस मनी ट्रान्सफर यूकेले आफ्नो सेवा मोबाइल एप्लिकेशन र अनलाइन बाहेक यूकेभर आफ्ना प्रतिनिधिमार्फत पनि दिने योजना बनाएको छ । साथै छिट्टै नै यूकेबाट नेपालमा मात्रै सीमित नभई विश्वभर विप्रेषण सेवा दिने योजना पनि सार्वजनिक गरेको छ ।