काठमाडौं- मुक्तिनाथ विकास बैंक र धुलिखेल माउण्टेन रिसोर्टबीच एक सम्झौता भएको छ ।

उक्त सम्झौताअनुसार मुक्तिनाथ विकास बैंकका भिजा डेविट कार्ड भएका सबै ग्राहकहरूले उक्त रिसोर्टबाट विभिन्न सेवा सुविधामा १० प्रतिशतसम्मको विशेष छुट दिने व्यवस्था भएको छ ।

उक्त सम्झौतापत्रमा मुक्तिनाथ विकास बैंकको तर्फबाट बजारीकरण विभागका विभागीय प्रमुख बसन्त बक्सी र धुलिखेल माउण्टेन रिसोर्टको तर्फबाट बिक्री तथा बजारीकरण विभागका अधिकृत भगीरथ प्रताप सिंहले हस्ताक्षर गरेका छन् । यस सुविधाबाट बैंकका भिजा डेबिट कार्ड भएका सम्पूर्ण सेवाग्राहीलाई थप लाभ हुने बैंकले अपेक्षा लिएको छ । 

मुक्तिनाथ विकास बैंक लि.ले देशैभरी ११४ वटा शाखा, २२ वटा एटीएम र ६ लाख ग्राहकलाई बैंकिङ सेवा प्रदान गर्दै आएको छ ।

आफ्नो ग्राहकलाई निक्षेप तथा कर्जा सुविधाहरू, रेमिट्यान्स सेवा, बैंकास्योरेन्स,आस्वा, मोबाइल बैंकिङ सेवा प्रदान गर्नुका साथै देशभरका भिजा नेटवर्कअन्तर्गत रहेका एटीएमबाट निःशुल्क रकम झिक्न मिल्ने व्यवस्था उपलब्ध छ ।