काठमाडौं – रुसका राष्ट्रपति भ्लादिमिर पुटिनसँग वार्ताका लागि निजी ट्रेन चढेर किम जोङ–उन भ्लादिभोस्तोक पुग्दा अनौठो घटना देखिएको छ । 

ट्रेन रोकिनै लाग्दा किमका अंगरक्षकहरू प्लेटफर्ममा ओर्लेर किम निस्कने ढोका पुछेका थिए ।

कालो बिजनेस सुट र सेतो पञ्जा लगाएका कोरियालीहरू ट्रेनसँगै दौडिएको र हतारहतार ट्रेनको बोगीका रेलिङ र ढोका पुछिरहेको देखिन्छ । 

किमको टोलीले पट्ट्याउन मिल्ने –याम्प पनि बोकेका थिए । उत्तर कोरियाली प्रतिनिधिलाई कुनै गाह्रोसाह्रो नपरिकन निस्कन सहज होस् भनेर उनीहरूले उक्त –याम्प ट्रेन र प्लेटफर्ममा जोडेका थिए ।

आरटीबाट