मंसिर २७, २०८०
निर्माण व्यवसायी महासंघले खरिद सम्बन्धी कानून परिमार्जनसहितका ९ बुँदे माग राखी आन्दोलन गरेको थियो । २०८० साउन २६ गते प्रधानमन्त्रीस्तरीय निर्णयबमोजिम सार्वजनिक खरिद अनुगमन कार्यालयका सचिवको अध्यक्षतामा गठित कार्यद...
काठमाडौं – सिंहदरबार सरकारको प्रशासनिक केन्द्र हो । दुईतिहाइ बहुमत प्राप्त वर्तमान शक्तिशाली सरकारको अखडा सिंहदरबारमै चरम ढिलासुस्ती हुन्छ भनेर सहजै पत्याउन गाह्रो हुन्छ । तर चरण ढिलासुस्ती सरकारका प्रधानमन्त्री र मन्त्रीकै आँखा अगाडि भइरहेको छ ।
सिंहदरबारको मुख्य भवनको पुनर्निर्माण १८ महिनामा सक्नुपर्ने भएपनि काम सकिने छाँटकाँट छैन । तोकिएको अवधिको १२ महिना सकिँदासम्म पुनर्निर्माण बल्ल ३० प्रतिशत सकिएको छ ।
पुनर्निर्माण प्राधिकरण केन्द्रीय आयोजना कार्यान्वयन इकाईका ईन्जिनियर सुरेन्द्र वैद्यले १८ महिनामा काम सम्पन्न गर्ने गरी शर्मा न्यू टेक्निकल जेभी कुपण्डोल ललितपुरसँग २०७५ जेठ २० गते आयोजना सम्झौता गरिएको बताए ।
दिनदिनै प्रधानमन्त्री र मन्त्रीको नजर पर्ने पुनर्निर्माणको कामलाई समयमै सक्न कसैले चासो देखिएको देखिँदैन । दुईतिहाइको शक्तिशाली सरकारले एउटा निर्माण व्यवसायीसँग आफ्नै अखडामा तोकिएको समयमै काम गराउन नसक्ने अवस्था छ । निर्माण कम्पनी शर्मा न्यू टेक्निकल जेभीले उल्टै सरकारी निकायमाथि नै ढिलासुस्तीको आरोप लगाएको छ ।
‘हामीले सम्झौता गरिसकेपछि ९ महिनामा नै काम सक्ने जानकारी दिएका थियौं र सम्पूर्ण तयारी पनि गरेका थियौं । कुनै सामग्री र श्रमशक्तिको कमी नगरेर हामीले काम प्रारम्भ गर्यौं तर पुनर्निर्माण प्राधिकरण कार्यालयको कारणले नै काम गर्न सकेनौं,’ शर्मा न्यू टेक्निकल जेभीका सञ्चालक लक्ष्मी सुवेदीले भने, ‘यो नयाँ प्रकृतिको काम पनि थियो, हामीले छिटो र राम्रो ढंगले सम्पन्न गरेर हस्तान्तरण गर्न चाहेका थियौं । त्यसो गर्दा हामीलाई धेरै फाइदा हुनेवाला थियो तर पुनर्निर्माण प्राधिकरणले हामीले काम गर्ने ठाउँबाट आफ्नो कार्यालय नै खाली गर्न सकेन, जसका कारण हाम्रो काममा पूरै बाधा पुगेको छ ।’
अझैं पनि ७ महिना बाँकी रहेकाले काम गर्न सजिलो अवस्था आए समयमै काम गर्न सक्ने सम्भावना रहेको सञ्चालक सुवेदीले बताए । ‘पुनर्निर्माण प्राधिकरणको कार्यालय अभावका कारण कतिपय कार्यालय सम्बन्धी काम सोही भवनबाट भइरहेकाले द्रूतगतिमा काम गर्न अप्ठ्यारो भएको’ राष्ट्रिय पुनर्निर्माण प्राधिकरण केन्द्रीय आयोजना कार्यान्वयन इकाईका प्रमुख नवराज प्याकुरेलले बताए ।
सरकारी निकायले तोकिएकै समयमा निर्माण सम्पन्न हुने वातावरण बनाउनुपर्ने हो । तर सरकारी अधिकारी उल्टै सामान्य बहाना देखाएर निर्धक्क साथ दोष आफैंमाथि थुपारिरहेका छन् । यसले ढिलासुस्ती गर्ने निर्माण व्यवसायीलाई हाइसञ्चो भएको छ ।
निर्माण कार्यमा भइरहेको व्यवधान फुकाउनेबारे इकाईका प्रमुख नवराज प्याकुरेलले भने, ‘पुनर्निर्माण प्राधिकरणको कार्यालयको लागि अहिले सिंहदरबार परिसरभित्र नै नयाँ प्रिफ्याव भवन तयार भइरहेको छ ।
अबको १ हप्तामा सायद निर्माण प्रक्रिया पूर्णरुपमा सकिन्छ र त्यसपछि प्राधिकरणले पूरै ठाउँ खाली गरेपछि कन्ट्रयाक्टरले द्रूतगतिमा काम अगाडि बढाउला ।’ हालसम्म काम गर्ने ठाउँ दिन नसकेर ठेकेदारले समय अनुसारको काम गर्न नसकेको प्याकुरेलले बताए ।
भवन निर्माण गर्न २१ करोड ४९ लाख ६८ हजार ५३ रुपैयाँ लागत रकममा निर्माण कम्पनीलाई ठेक्का दिइएको थियो । ठेकेदारको लापरवाहीका कारण देशभरका अधिकांश ठेक्कामा ढिलासुस्ती भइरहेको अवस्थामा संघीय सरकारको अखडा सिंहदरबारभित्रै नाजुक देखिएको छ ।
निर्माण व्यवसायी महासंघले खरिद सम्बन्धी कानून परिमार्जनसहितका ९ बुँदे माग राखी आन्दोलन गरेको थियो । २०८० साउन २६ गते प्रधानमन्त्रीस्तरीय निर्णयबमोजिम सार्वजनिक खरिद अनुगमन कार्यालयका सचिवको अध्यक्षतामा गठित कार्यद...
नेपालको संविधान पछिल्लो जनगणनाका आधारमा सबै घरधुरी वा घरबासमा नि:शुल्क उपलब्ध गराउन सर्वोच्च अदालतले दिएको आदेशको पूर्णपाठ सार्वजनिक भएको छ । अधिवक्ता विकास भट्टराईले दिएको रिटमा न्यायाधीशद्वय सुष्मालता माथ...
अख्तियार दुरुपयोग अनुसन्धान आयोगले क्षेत्रीय शिक्षा निर्देशनालय हेटौंडाका तत्कालीन कामु निर्देशक दिनेशकुमार श्रेष्ठसहित ७ जनाविरुद्ध भ्रष्टाचार मुद्दा दायर गरेको छ । सार्वजनिक सम्पत्तिको हानिनोक्सानी गरी भ्रष्टाचार...
सूचनाको हकसम्बन्धी ऐन, २०६४ बमोजिम प्रधानमन्त्रीका सचिवालय सदस्यहरूको नियुक्ति तथा पारिश्रमिकसम्बन्धी विवरण उपलब्ध गराएबापत प्रधानमन्त्री कार्यालयकी सूचना अधिकारी कविता फुयाँलको जिम्मेवारी खोसिएको छ । करिब ५ वर्...
शिक्षा, विज्ञान तथा प्रविधि मन्त्री सुमना श्रेष्ठ सिंहदरबारका कर्मचारीबीच 'गसिप'को विषय बनेकी छन् । छिनछिनमा मिटिङ गर्नुपर्ने, सर्वसाधारणले भेट्ने समय मिलाउन क्यूआर कोड स्क्यान गर्नुपर्ने, रिपोर्...
राष्ट्रिय सतर्कता केन्द्रको परिपत्रविपरीत कर्मचारीको कोटामा खानेपानीमन्त्री महिन्द्र राय यादवका छोरा सुनिल अधिकारी यादव विदेश भ्रमणमा गएका छन् । मन्त्री यादवका छोरा सुनिल भारतको उडिसा प्रदेशमा कर्मचारीको कोटामा ...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...