शेन वाटसनले प्रशंसकहरूलाई दिए धन्यवाद, गरे अर्को वर्ष राम्रो प्रदर्शन गर्ने वाचा

जेठ २, २०७६

काठमाडौं – चेन्नई सुपर किंग्सका ओपनर शेन वाटसनले मुम्बई इन्डियन्सविरुद्धको फाइनल खेलमा घुँडाबाट रगत बग्दा पनि खेलेको खबर सार्वजनिक भएको थियो । 

उनै वाटसनले अस्ट्रेलिया पुगेपछि आफ्ना प्रशंसक र शुभचिन्तकहरूलाई समर्थनका लागि धन्यवाद दिए । वाटसनले इन्स्टाग्राममा एउटा भिडियो पोस्ट गरेर भने, ‘म अहिले घर आइपुगेको छु र विगत दुई दिनमा सबैजनालाई माया, समर्थन तथा शुभेच्छा प्रकट गरेकोमा धन्यवाद दिन्छु ।’


ADVERTISEMENT

वाटसनले आईपीएल २०१९ मा खासै राम्रो प्रदर्शन गर्न सकेनन् तर चेन्नईले उनलाई प्रतियोगिताभरिका लागि पत्यायो । अनि उनले प्रतियोगिताका अन्तिम दुई खेलमा अर्धशतक बनाएर टीमको विश्वासलाई सही साबित गरे । 

अघिल्लो सीजनको आईपीएलमा सीएसकेलाई जिताउन वाटसन नायक बनेका थिए । यस सीजनमा उनले मुम्बईविरुद्धको फाइनलमा शानदार ८० रन पनि बनाएका हुन् र टीमलाई जीतको संघारसम्म पु–याउन योगदान गरेका हुन् । 

अन्तिम बलसम्म पुगेका म्याचमा चेन्नई मुम्बईविरुद्ध जम्मा एक रनले हार्न पुग्यो । 

आईपीएल २०१९ को सुखद अन्त्य गर्न नसकेपनि वाटसनले अर्को सीजनमा झनै बलियो भएर आउने अनि उपाधि जित्नका लागि थप एक कदम अगाडि बढाउने प्रतिबद्धता व्यक्त गरेका छन् ।

एजेन्सी
 

जेठ २, २०७६ मा प्रकाशित

प्रतिक्रिया दिनुहोस