काठमाडौं – भारतको तिरुचिरापल्लीबाट सिंगापुर गइरहेको एक विमानलाई चेन्नई विमानस्थलमा सोमवार आकस्मिक अवतरण गराइएको छ । 

विमानमा १७० यात्रु थिए । उनीहरू अहिले सुरक्षित छन् । 

सोमवार बिहान तिरुचिरापल्ली विमानस्थलबाट उडेको विमानको इन्जिनमा आगोको झिल्का निस्कन थालेपछि पाइलटले चेन्नई विमानस्थल अधिकारीहरूसँग सम्पर्क गरेर आकस्मिक अवतरण गराए । 

विमानलाई एयरपोर्टमा सुरक्षित अवतरण गराइएको अधिकारीहरूले बताए । यस क्रममा कोही पनि घाइते भएन । प्राविधिकहरूले विमानमा देखिएको गडबडीको छानबिन गरिरहेको अधिकारीहरूको भनाइ छ । अवतरणका क्रममा

चेन्नई विमानस्थलमा फायर ब्रिगेडलाई तयारी अवस्थामा राखिएको थियो । 

एजेन्सी