काठमाडौं– मेटलाइफका एक्जुकेटिभ भाइस प्रेसिडेन्ट एण्ड हेड अफ स्ट्राटेजिक ग्रोथ मार्केट, रेबेका तादिकोन्दा नेपाल भ्रमणमा आउनु भएको छ  । तादिकोन्दा बंगलादेश तथा म्यानमारका अध्यक्ष एम नुरुल इस्लाम तथा हेड अफ स्ट्राटेजी एम अलाउद्दिन अहमदसँगै यो हप्ता नेपाल भ्रमणमा आउनु भएको हो । 

भ्रमणको अवसरमा रेबेकाले मेटलाईफ नेपालको मुख्य कार्यालय ललितपुरको पुल्चोक स्थित वान कस्टमर प्लेस (ओसीपी)को उद्घाटन  गर्नुभएको छ । । ओसीपी ग्राहकहरुलाई अझै व्यवस्थितरुपमा सेवाहरु उपलब्ध हुने स्थान हो जसमा प्रिमियम भुक्तानी, परिपक्व भएको बिमा दावी, बिमालेख समर्पण, ऋण तथा बिमालेख परिवर्तन जस्ता ग्राहकसँग सम्बन्धित सम्पूर्ण सेवाहरु उपलब्ध हुन्छ ।

रेबेकाले बंगलादेश, चीन, हङकङ, भारत, मलेसिया, नेपाल तथा भियतनाम र व्यवसाय सुरु भएका नयाँ स्थानहरु लगायत मेटलाईफको व्यवसायमा तिब्र बृद्धि भएका स्थानहरुमा मेटलाईफको व्यवसाय हेर्ने गर्नुभएको छ । 

उहाँले वितरण प्रणालीलाई विस्तार गरी डिजिटल तथा नविनतम पद्दतिलाई अंगाली तथा यस क्षेत्रमा प्रयोग तथा आदानप्रदान हुने क्षमताहरुमा सहयोग तथा सह–लगानीलाई बढाउन सहयोग गर्दै आउनु भएको छ । 

रेबेकाका अनुसार ‘नेपालमा नयाँ बिमा सेवा तथा डिजिटिल अभियान भित्र्याई एक अग्रणी बिमा कम्पनीको रुपमा मेटलाईफ नेपालले एकदमै राम्रो काम गरेको छ ।’ उहाले  मे २३, २०१९ सम्म नेपालका विभिन्न कार्यालयहरुमा भ्रमण गर्ने कार्यक्रम पनि रहेको कम्पनीले जनाएको छ ।