धनगढी- सुदूरपश्चिम प्रदेश सरकारले आउँदो आर्थिक वर्ष २०७६/२०७७ को लागि २८ अर्ब १६ करोड २० लाख ३५ हजार रुपैया बराबरको बजेट प्रस्तुत गरेको छ ।

सरकारको आर्थिक मामिला तथा योजना मन्त्री झपट बहादुर बोहराले आइतबार प्रदेश सभा बैठकमा सो बजेट प्रस्तुत गरेका हुन् । जसको ४६ प्रतिशत पूँजीगत र ४४ प्रतिशत चालु तर्फ रहेको जनाइएको छ ।

बजेटमा कृषि क्षेत्रलाई मुख्य प्राथमिकतामा राखेर बजेट बिनियोजन गरेको मन्त्री बोहराले जनाए । जसको लागि शत प्रतिशत बजेट बृद्धि गरेको बताउँदै उनले “नमूना कृषि गाउँ आफै बनाऊ’ अभियान प्रदेशका ८८ वटै स्थानीय तहमा सञ्चालन गरिने बताए । जसको लागि वार्षिक ५० लाखको दरले बजेट दिइने जनाइएको छ । भने मुख्यमन्त्री एकीकृत कृषि तथा पशुपंक्ष विकास कार्यक्रम सञ्चालन गर्न ४४ करोड विनियोजन गरेको जनाइएको छ ।

त्यस्तै, ‘एक स्थानीय तह एक औधोगिक उत्पादन’ सम्बन्धी कार्यक्रम ल्याएको छ । भने बाल विवाह रोक्न ‘सानै छु मलाई बढन देऊ, बालविवाह होइन पढ्न देऊ’, भन्ने नाराका साथ बालविवाह अन्त्य गर्न प्रदेश सांसद, स्थानीय तहका पदाधिकारी, सामाजिक संघ संस्था, आमा समूह, बाल क्लब समेतको संलग्नतामा अभियान संचालन गरिने मन्त्री बोहराले आफ्नो बजेट वक्तव्यमा उल्लेख गरे । जसको सुरुवात नमूनाको रुपमा बाजुरा र दार्चुला जिल्लाबाट अभियान सुरुवात गरिने बताउँदै मन्त्री बोहराले जसकोले प्रयाप्त बजेट बिनियोजन गरेको जनाए ।

सरकारले आउँदो वर्षदेखि राष्ट्रिय तथा अन्तर्राष्ट्रिय पदक प्राप्त गरी खेलबाट सन्यास लिएका खेलाडीलाई लक्षित गरी निवृत खेलाडी कल्याण कोष पनि स्थापना गर्ने भएको छ ।

भने बजेट कार्यक्रममा पुराना कार्यक्रमलाई पनि निरन्तरता दिएको छ । जनताको गुुनासा सुन्न हेल्लो सिएमलाई निरन्तरता दिएको छ । भने आउँदो वर्षदेखि मुख्यमन्त्री रेडियो कार्यक्रम सञ्चालन गर्न बजेट बिनियोजन गरेको छ ।

भौतिक पूर्वाधार विकास, शिक्षा, खानेपानी, पर्यटनलाई पनि प्राथमिकतामा राखेको मन्त्री बोहराले बताए ।

हेर्नुहोस् बजेट -