फागुन २, २०८०
वैशाखको १४ गतेबाट प्रदर्शनमा आउने फिल्म ‘बोक्सीको घर’को फस्र्टलुक पोस्टर सार्वजनिक गरिएको छ । बुधवार सरस्वती पूजाको अवसर पारेर अभिनेत्री केकी अधिकारीको होम प्रोडक्सनमा निर्माण भएको यो फिल्मको पो...
काठमाडौं – प्रेमको पागलपन र प्रेमिकालाई पाउने भावना रचनात्मक हुनुका साथै विध्वंसकारी पनि हुन्छ । शाहिद कपूरले खेलेको फिल्म कबीर सिंहको वान लाइन यही नै हो ।
यो फिल्म सुपरहिट तेलुगु फिल्म अर्जुन रेड्डीको आधिकारिक रिमेक हो । फिल्ममा जटिल, डार्क, विद्रोही र उच्च जोश भएका पात्रलाई शाहिद कपूरले न्याय दिएका छन् । त्यसैले नै शायद कास्टिङ निर्देशक मुकेब छाबडाले शाहिदलाई फिल्मका लागि छानेका होलान् ।
कबीर सिंह अत्यधिक रक्सी पिउने भएकाले बर्बाद हुन लागेको एक होनहान सर्जन हुन् । कथा फ्ल्याशब्याकमा जाँदा थाहा पाइन्छ, कबीर रिस नियन्त्रण गर्न नसक्ने मेडिकल छात्र हुन् । उनी टपर हुनुका साथै फूटबल च्याम्पियन पनि हुन् । तर क्रोधी भएका कारण उनी जोकोहीको पनि टाउको फोर्ने वा हातगोडा भाँच्ने काम गरिदिन्छन् ।
उनका यी हर्कतका कारण कलेजले निकालिदिन्छ । कलेज छोड्ने बेलामा उनले प्रीति सिक्का (कियारा आडवाणी) लाई भेट्छन् । उनी मासूम, सुन्दर र सरल युवती हुन्छिन् । पहिलो दृष्टिमै उनी प्रीतिलाई मन पराउँछन् र प्रीति आफ्नी भएको घोषणा कलेजमा गरिदिन्छन् । कबीर प्रीतिको पछि लागिरहन्छन् र आफू सर्जन बन्छन् अनि प्रीतिलाई डाक्टर बनाउन सहयोग गर्छन् । तर अचानक प्रीतिको विवाह अर्कै व्यक्तिसँग उनको परिवारले गरिदिन्छ । अनि कबीर आफूलाई ध्वस्त बनाउने बाटोमा हिँड्छन् । कबीरले आफूलाई पूरै बर्बाद बनाउँछन् कि कथामा अर्को ट्विस्ट आउँछ ? त्यसका लागि फिल्म हेर्नुहोला ।
निर्देशक सन्दीप रेड्डी वांगाले लभस्टोरीलाई अनौठो ढंगमा प्रस्तुत गरेका छन् । कबीरका रूपमा उनले शाहिदलाई ओभर प्रोटेक्टिभ, ओभर अब्सेसिभ, हिंस्रक, रक्स्याहा र यौनपिपासुका रूपमा देखाएका छन् । त्यो क्यारेक्टरलाई स्वीकार गर्न दर्शकलाई केही समय लाग्छ तर पात्रको इमान्दारी र प्रेमका लागि मरिमेट्ने बानीले दर्शकको मन जित्छ ।
फिल्म अलि लामो चाहिँ छ । मध्यान्तरपछि फिल्मका सिक्वेन्स दोहोरिएका जस्ता लाग्छन् । कतै कतै फिल्म सुस्त भएको जस्तो लाग्छ । फिल्मलाई मूलकै जस्तो गरी बनाइएको छ, तोडमोड गरिएको छैन ।
कबीरका रूपमा शाहिद कपूरले करीयरको उत्कृष्ट प्रदर्शन गरेकोमा शंका छैन । एक अभिनेताका रूपमा उनी आफ्नो पात्रमा पूरै डुबेका छन् र अभिनयलाई परिष्कृत गर्दै लगेका छन् । शाहिदले यसअघि पनि जटिल भूमिकाहरूलाई स्मरणीय बनाइसकेका छन् । उनले यस फिल्मको पात्रलाई जीवन्त तुल्याएका छन् ।
कियारा फिल्ममा एकदमै सुन्दर देखिएकी छन् । उनले कम संवाद बोलेपनि आँखामार्फत अभिनय गरेकी छन् । फिल्ममा कबीरका साथी बनेका शिवाका रूपमा सोहम मजूमदारको भूमिका उल्लेखनीय छ । उनले सहजता र सरलताका साथ अभिनय गरेर मनोरञ्जन दिएका छन् अनि मुटु पनि छोएका छन् ।
अर्जुन बाजवा, सुरेश ओबरोय र निकिता दत्तले आआफ्नो भूमिका राम्रोसँग निर्वाह गरेका छन् । हजुरआमाका रूपमा वरिष्ठ अभिनेत्री कामिनी कौशललाई देख्न पाउनु आनन्दको अनुभव हो ।
फिल्मको संगीत र ब्याकग्राउन्ड संगीत दमदार हो । संगीतकार सचेत–परम्पराको संगीतमा बेखयाली गीत लोकप्रिय भएको छ । मिथुनले संगीत दिएको तुझे कितना चाहने लगे पनि हिट भएको छ ।
जुनूनले भरिएको प्रेमकथा तपाईंलाई मन पर्छ भने यो फिल्म हेर्नुस् । शाहिदको अभिनयका लागि पनि यो फिल्म हेर्नुभए हुन्छ ।
नवभारत टाइम्समा प्रकाशित रेखा खानको समीक्षा
वैशाखको १४ गतेबाट प्रदर्शनमा आउने फिल्म ‘बोक्सीको घर’को फस्र्टलुक पोस्टर सार्वजनिक गरिएको छ । बुधवार सरस्वती पूजाको अवसर पारेर अभिनेत्री केकी अधिकारीको होम प्रोडक्सनमा निर्माण भएको यो फिल्मको पो...
निर्देशक राजु गिरीले ‘ईश्वर’ नामक चलचित्र निर्माणको घोषणा गरेका छन् । दिव्या कंगना फिल्मसको प्रस्तुतिमा बन्ने चलचित्रमा गिरीको लेखन एवं निर्देशन रहनेछ । यसमा पटकथा एवं संवाद भोजराज देवकोटाको रहनेछ ...
वैशाखमा प्रदर्शनमा आउने तयारीमा रहेको फिल्म ‘डिग्री माइला’को टिजरलाई लिएर अर्बपति विनोद चौधरीले प्रतिक्रिया दिएका छन् । उक्त फिल्मको केही दिनअघि सार्वजनिक टिजरलाई लिएर चौधरीले प्रतिक्रिया दिएका हुन् ...
अभिनेत्री रेखा थापा आमा बनेकी छन् । अमेरिकामा रहेकी रेखाले शुक्रवार छोरीलाई जन्म दिएकी हुन् । उनले छोरीको नाम वैभवी राज्यलक्ष्मी शाही ठकुरी राखेकी छन् । सामाजिक सञ्जालमा तस्वीर सार्वजनिक गर्दै उनले आमा...
बडा दशैँको अवसर पारेर गत शुक्रवारबाट प्रदर्शनमा आएको नारायण रायमाझी निर्देशित चलचित्र ‘परदेशी २’ले दर्शकबाट सुखद् प्रतिक्रिया पाइरहेको छ । हलबाट निस्किँदै गरेका दर्शकहरूले आजको नेपाली समा...
‘लुट’बाट सेलिब्रिटी निर्देशकको छवि बनाएका निश्चल बस्नेत निर्देशित आगामी चलचित्र ‘दिमाग खराब’ यही शुक्रवारबाट प्रदर्शनमा आउँदैछ । तिहारको अवसर पारेर प्रदर्शनमा आउन लागेको चलचित्...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...