कात्तिक २५, २०८०
बुटवलका कुलचन्द्र पाण्डे सफल पर्यटन व्यवसायी हुन् । कुनै समय भारतको एउटा कम्पनीमा काम गरेका पाण्डे अहिले रूपन्देहीमा ‘एसियन ब्राण्ड’ चम्काउने ‘टुरिजम’ उद्यमीका रूपमा चिनिन्छन् । तीन दशकअघि...
असार १३, २०७६
काठमाडौं –शुक्रवार नेकपा संसदीय दलको कार्यालयमा रहेको सचेतकको कार्यकक्षमा अरू दिनभन्दा बेग्लै चहलपहल थियो । बधाई साटासाट र मिठाइ बाँड्ने काम चलिरहेको थियो ।
यसवर्षको एसईईमा सर्वाधिक चर्चामा रहेकी परीक्षार्थी शान्ता चौधरीलाई बधाई दिनेको भीड थियो ।
कुनै एक निजी कलेजले पढ्नका लागि आह्वान गर्दै गरेको फोन राख्न नपाउँदै चारजना किशोर/किशोरी गुलाफको फूल लिएर बधाई दिन आए ।
काठमाडौं जिल्ला बाल क्लब समन्वय समितिका किशोर/किशोरी शान्तालाई बधाई दिन आएका थिए ।
‘आज मलाई विद्यार्थी र बाल्यकालको झल्को आयो,’ छोरीसँगै एसईई उत्तीर्ण गरेकी शान्ताले आफ्नो कार्यकक्षमा रहेका सांसद, पत्रकार र विद्यार्थीमाझ भनिन् । उसो त हिजो अपराह्नदेखि उनी फोनमा बधाई थाप्नमै व्यस्त छिन् ।
‘जिन्दगीमा यति धेरै बधाई आएको थिएन, राति ११ बजेसम्म फोनमा बधाई आइरह्यो, यसलाई प्रेरणाको रूपमा लिएकी छु,’ शान्ताले लोकान्तरसँग भनिन्, ‘यो हौसलालाई सार्थकतामा रूपान्तरण गर्ने चुनौती पनि छ ।’
व्यक्तिगत कामले पोखरा गएकी शान्ता बिहीवार काठमाडौं फर्किंदै गर्दा छोराले रिजल्ट सुनाएका थिए । त्यसपछि उनलाई तारन्तार फोन आउन थाल्यो । ‘मोबाइलमा बोल्दाबोल्दा थकाइ नै लाग्यो,’ उनले सुनाइन् ।
प्रधानमन्त्रीदेखि रवीन्द्र मिश्रसम्मको फोन
अर्काको घरमा काम गर्न बस्ने कमलरी पृष्ठभूमिबाट भूमि अधिकारको अभियान्ता हुँदै राजनीतिमा आएकी शान्ता चौधरी छोरीसँगै एसईई परीक्षामा सामेल भएकी थिइन् ।
उनले औपचारिक कक्षा लिन शुरू गर्दा नै बधाई पाएकी थिइन् ।
यसपटक एसईई परीक्षामा चर्चाको केन्द्रमा थिए, शान्ता चौधरी र करिश्मा मानन्धर ।
एसईईको नतिजा आएपछि शान्तालाई प्रधामनन्त्रीदेखि मन्त्री र अन्य राजनीतिक दलका नेताहरूले फोन गरेर बधाई दिए ।
‘बधाई छ, राम्रो गर्नुभयो । तपाईंको अझ प्रगति देख्न चाहन्छु,’ ओलीले फोनमा भनेको शान्ताले सुनाइन् ।
उपप्रधानमन्त्री ईश्वर पोखरेल, मन्त्रीहरू प्रदीप ज्ञवाली, गोकर्ण विष्ट, पद्मा अर्याल तथा नेता सुवास नेम्वाङ लगायतले फोन गरेर शान्तालाई बधाई दिए ।
विवेकशील साझा पार्टीका संयोजक रवीन्द्र मिश्रले पनि शान्तालाई बधाई दिए । ‘तपाईंको साहस र हिम्मतलाई सलाम गर्छु,’ रवीन्द्रले भनेको शान्तले जानकारी दिइन् ।
प्रतिनिधि सभाको बैठकमै पनि उनले बधाई पाइन् ।
‘यसै प्रतिनिधि सभाका माननीय शान्ता चौधरी र नेपालकी स्थापित नायिका करिश्मा मानन्धरले पनि राम्रो अंकसहित एसईईमा उत्तीर्ण हुनुभएकोमा बधाई दिन चाहन्छु,’ शुक्रवार बसेको प्रतिनिधि सभाको बैठकको शून्य समयमा नेकपाका सांसद विशाल भट्टराईले भने ।
भट्टराईले शान्तालाई बधाई दिँदा नेकपा सांसदहरूले टेबल ठटाएर समर्थन गरे ।
शान्ता र करश्माको एसईई सहभागिता पढ्नका लागि उमेरले छेक्दैन भन्ने उदाहरण पनि थियो ।
‘माननीय शान्ताजीले यो उमेरमा पढ्मा देखाएको रुचि साक्षरताका लागि राज्यले गरेको अर्बौं लगानीभन्दा पनि ठूलो सन्देश हो,’ संसदीय दलमा भेटिएका एक सांसदले भने ।
कानून पढ्ने कि राजनीतिशास्त्र दोधार !
एसईईमा २ दशमलव ६५ जीपीए ल्याएर उत्तीर्ण शान्ताका लागि काठमाडौंका नाम चलेका प्लसटूहरूले निःशुल्क पढ्न अफर गरेका छन् । शान्ता भने दोधारमा छिन् ।
निःशुल्क पढ्नका लागि आह्वान गरेका कलेजमा उनले पढ्ने विषय छैनन् । ‘मेरो रुचि कानून पढ्ने छ, त्यो नभए राजनीतिशास्त्र पढ्छु,’ शान्ताले भनिन् ।
संसद्को काम, घरपरिवार र राजनीतिलाई संगसंगै लैजानुपर्ने भएकोले उनले बिहान या बेलुका मात्र क्लास लिन पाउँछिन् । सजिलो विषय रोज्न सुभेक्षुकहरूले सुझाएको उनले बताइन् ।
करिश्मासँग बधाई साटासाट
एसईईकी अर्की सेलेब्रिटी करिश्मा मानन्धरलाई फोन गरेर शान्ताले बधाई साटासाट गरिन् ।
‘बधाई साटासाट गर्यौं, मलाई जितिहाल्नुभयो भनेँ,’ शान्ताले भनिन् । आमासँगै एसईई उत्तीर्ण गरेकी शान्ताकी छोरी बिनु भने नर्सिङ पढ्ने सोचाइमा छिन् ।
‘मम्मीको भन्दा मेरो नम्बर धेरै आओस् भनेर छोरी प्राथना गरेर बसेकी थिई । मेरोभन्दा तपाईंको धेरै आयो भने चिट चोरेर नम्बर धेरै आएछ भन्छन् भन्दै थिई, मेरो भन्दा उसको धेरै नै आएछ,’ शान्ताले खुशी व्यक्त गरिन् ।
सोचेजस्तो ग्रेड नआएको उनको गुनासो छ । ‘हात दुख्ने गरी लेखेकी थिएँ, तर सोचेजस्तो रिजल्ट आएनछ,’ शान्ताले भनिन् ।
संसद्मा पनि बधाई पाएपछि शान्ताले त्यहीँबाट धन्यवाद ज्ञापन गरिन् । साथै उनले आफूसँगै एसईई उत्तीर्ण सम्पूर्ण विद्यार्थी भाइबहिनीलाई बधाई पनि दिइन् ।
प्रतिनिधि सभाको शुक्रवारको बैठकको शून्य समयमा शान्ताले भनिन्, ‘पास हुने सम्पूर्ण विद्यार्थीलाई शुभकामना दिन चाहन्छु, र थोरै नम्बर पाएका विद्यार्थी भाइबहिनी निराश नहुनुस्, मेहनत गरे अवश्य सफल हुनुहुनेछ भन्न चाहन्छु ।’
बुटवलका कुलचन्द्र पाण्डे सफल पर्यटन व्यवसायी हुन् । कुनै समय भारतको एउटा कम्पनीमा काम गरेका पाण्डे अहिले रूपन्देहीमा ‘एसियन ब्राण्ड’ चम्काउने ‘टुरिजम’ उद्यमीका रूपमा चिनिन्छन् । तीन दशकअघि...
बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् । काठम...
समय : आइतवार बिहान ७ बजे स्थान : नलगाड नगरपालिका, १ चिउरी, जाजरकोट (भूकम्पले सबैभन्दा धेरै क्षति पुर्याएको ठाउँ) ‘मेरी आमालाई किन यस्तो भयो ? मलाई पनि बाँच्न मन छैन,...
प्रगतिशील राजनीतिको 'फ्रन्टलाइन'मा देखिने नेताहरू जति कठोर हुन्छन्, त्यो भन्दा बढी ‘इमोसनल र सेन्टिमेन्टल’ पनि हुन्छन् । त्यस्तै ‘इमोसनल फिलिङ्स’का बाबजुद परिस्थितिले कठोर बन्दै गएक...
रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...
श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...
आत्मिक शुद्धताका पक्षपाती दार्शनिक सुकरात चौबाटोमा उभिएर एथेन्सबासीलाई आह्वान गरिरन्थे– ‘तपाईं नीति, सत्य र आत्माको शुद्धताका लागि किन ध्यान दिनुहुन्न ?’ उनका अर्थमा त्यो जीवन बाँच्न योग्य हुँदैन...