काठमाडौं- नेपालले मलेसियालाई पराजित गरेको छ । 

आइतवार भएको दोस्रो खेलमा मलेसियालाई ६ रनले हराएको हो । यससँगै नेपालले सिरिज 'क्लिन स्वीप' गरेको छ ।

नेपालले पहिलो खेलमा मलेसियालाई ७ विकेटले पराजित गरेको थियो । 

किनरारा ओभलमा नेपालले दिएको १ सय ७४ रनको लक्ष्य पछ्याउने क्रममा मलेसिया  २० ओभरमा ७ विकेट गुमाएर १ सय ६७ रनमा रोकियो । 

मलेसियाका लागि शैयद अजीजले सर्वाधिक ५० रन, अमीनुद्वीन रामलीले २४ tyf भिरनदीप सिंह २३ रन जोडे । 

बलिङतर्फ नेपालका सन्दीप लामिछाने र  सोमपाल कामीले समान दुई-दुई विकेट हात पारे । पारस खड्का, करण केसी र अविनाश बोहराले समान एक-एक लिए । 

यसअघि टस जितेर पहिले ब्याटिङ गरेको नेपालले निर्धारित २० ओभरमा ६ विकेट गुमाएर १७३ रन जोडेको थियो । 

नेपालको लागि विनोद भण्डारीले नटआउट ५१ रनको अर्धशतकीय पारी खेलेका थिए । 

शरद भेषवाकरले ४० रनको योगदान गर्दा कप्तान पारस खड्काले २३ रन बनाए ।

मलेसियाका मुहमद फिर्टीले ३ विकेट हात पारे ।