काठमाडौं – थाइल्यान्डको समुद्री तटमा नग्न अवस्थामा पौडी खेलिरहेका पाँच महिला र एक पुरुषमाथि जरिवाना लगाइएको छ । 

१७ देखि २० वर्ष उमेरका पर्यटकहरू आओ नाङ तटमा कपडा खोलेर पानीमा १० मिनेट जति चोबलिएका थिए । थाइल्यान्डको दक्षिणी भागमा रहेको क्राबीमा सोमवार राति उक्त घटना भएको हो । 

यो दृश्य देखेर स्तब्ध भएका एक स्थानीयले प्रहरीलाई खबर गरेका थिए । प्रहरीले नांगेहरूलाई आफ्नो लुगा राखेको ठाउँमा जान भनेको थियो । 

भिडियोमा महिलाहरूले वक्षस्थल हातले छोपेको अनि पुरुषले कम्मरमा रुमाल बाँधेको देखिन्छ । 

उनीहरूलाई प्रहरी चौकी लगियो अनि प्रत्येकलाई १७ सय ६९ रुपैयाँको जरिवाना लगाइयो । सार्वजनिक स्थानमा अभद्रता देखाएको आरोप उनीहरूलाई लगाइएको थियो । 

बौद्ध उत्सवका कारण बारहरू छिट्टै बन्द भएकाले केही रमाइलो गर्न नपाएर आफूहरू नग्न स्नान गर्न गएको उनीहरूले बताए । 

उनीहरूले आफ्नो व्यवहारका लागि क्षमा मागेको र यस्तो व्यवहार भविष्यमा नदोहोर्‍याउने बताएको प्रहरी प्रवक्ताले जानकारी दिए ।

एजेन्सी