फूटबल हेर्नु स्वास्थ्यका लागि लाभदायक भएको वैज्ञानिकहरूको भनाइ

साउन ३०, २०७६

काठमाडौं – वैज्ञानिकहरूले हालै गरेको एक अनुसन्धानले फूटबल हेर्नु स्वास्थ्यका लागि लाभदायक रहेको निष्कर्ष निकालेको छ । 

बेलायतको लीड्स विश्वविद्यालयका अनुसन्धाताहरूले शहरको फूटबल टीमका २५ प्रशंसकलाई तीनवटा च्याम्पियनशिप खेलका क्रममा विश्लेषण गरेका छन् ।


ADVERTISEMENT

समर्थकहरूको मुटुको चाल लगभग ६४ प्रतिशतले बढेर १३० चाल प्रतिमिनेट पुगेको पाए । मुटुको सामान्य चाल ६० देखि १०० चाल प्रतिमिनेट हुन्छ । 

यो भनेको आधी घन्टासम्म छिटो गरी हिँड्दा हुने मुटुको चाल बराबर हो, वैज्ञानिकहरूको दाबी छ । 

आफ्नो क्लबले जित्दा प्रशंसकहरूको रक्तचाप पनि घट्ने गरेको र उनीहरूलाई मनोवैज्ञानिक सहायता पुग्ने गरेको देखियो । 

तर क्लबले हार्दा चाहिँ यसको ठीक विपरीत असर परेको अनि समर्थकहरूलाई आफ्नो साथी मरेको जस्तो अनुभव हुने देखियो ।

‘खेलप्रति समर्थकहरू अनुरक्त रहेको यसैबाट प्रस्ट हुन्छ किनकि खेलको अवधिमा उनीहरूको मुटुको चाल छिटो हिँड्दाखेरीको चालकै बराबर थियो,’ अनुसन्धानकी नेतृत्वकर्ता डा एन्ड्रीया अट्लीले बताइन् । 

‘दुवै टीमले गोल गर्दा मुटुको चाल हल्का बढ्ने देखियो । फूटबल खेलमा आफ्नो टीमलाई समर्थन गर्दा मुटुको व्यायाम हुन्छ र खेलको परिणामका आधारमा मनोवैज्ञानिक लाभ वा हानि दुवै हुन्छ ।’

एजेन्सी

साउन ३०, २०७६ मा प्रकाशित

प्रतिक्रिया दिनुहोस

ताजा समाचार