काठमाडौं – केन्यामा रहेको नोबोइशो आरक्षमा एउटा सिंहले राँगो मारेर खाँदै गर्दा हुँडारहरूको एउटा टोली आएर उसलाई भगाएका छन् । 

सिंहले राँगोको सिनोको अधिकांश भाग खाइसकेको थियो र आराम गर्न चाहेको थियो । तर हुँडारहरू झुरुप्प आएर बाँकी भाग खान थालेपछि उसले मन पराएन ।

हुँडारहरूलाई दुईचोटि भगाउन खोजेपनि उनीहरू धेरै भएको अनि आफू एक्लो रहेको थाहा पाएपछि सिंह त्यहाँबाट भाग्छ । 

बुट्टे छाला भएका हुँडारहरू मरेको राँगोको सिनो लुछिरहेका बेला सिंह दौडिँदै आउँछ र एउटो हुँडारको पछिल्तिरको खुट्टामा हिर्काउँछ । उनीहरू त्यसपछि भाग्छन् । 

उसले हिर्काएको झाप्पु नलागेपछि ऊ हुँडारलाई लखेट्न थाल्छ ।

उनीहरू फेरि सिनो खान आइपुग्छन् अनि सिंह फेरि आउँछ र एउटो हुँडारलाई भुइँमा पछार्छ । 

अरू हुँडारहरू साथीलाई बचाउन आइपुग्छन् अनि सिंहको पुच्छर टोक्न थाल्छन् । धेरै हुँडार रहेको थाहा पाएपछि सिंहले त्यहाँबाट जाने निर्णय लिन्छ । हुँडारहरू आरामले सिनो लुछ्न थाल्छन् । 

हुँडारको दाह्रा निकै शक्तिशाली हुनाले सिनोलाई ससाना टुक्रा पारिदिन्छन् । 

सिंह र हुँडारबीच प्रायः लडाईं परिरहेको हुन्छ किनकि उनीहरू प्रायः एउटै किसिमका जनावरको शिकार गरिरहेका हुन्छन् । 

उनीहरूले एकअर्काप्रति शत्रुतापूर्ण व्यवहार गर्छन्, एकअर्कालाई लखेट्छन् अनि कहिलेकाहीँ त एकअर्काका सन्तानलाई पनि मारिदिन्छन् ।

एजेन्सी