कानूनको दुरुपयोग गर्ने प्रवृत्ति बढ्योः सभामुख शाही

भदौ १, २०७६

सुर्खेत । कर्णाली प्रदेशका सभामुख राजबहादुर शाहीले पछिल्लो समय कानूनको दुरुपयोग गर्ने प्रवृत्ति बढको बताएका छन् । 

आइतबार वीरेन्द्रनगरमा आयोजना गरिएको मुलुकी संहिताहरु कार्यान्वयनको एक वर्ष समीक्षात्मक अन्र्तक्रिया कार्यक्रमलाई सम्वोधन गर्दै कानून प्रतिको विश्वास आम जनमानसमा कायम राख्नुपर्नेमा जोड दिए । ‘कानूनको परिपालना समान रुपमा गर्नुपर्छ ।’ उनले भने, ‘सर्वसाधारणलाई एक र ठूलालाई कानून परिपालना गराउँदा अर्को गरे कानूनप्रति जनताको विश्वास घटने गर्छ । यसमा सबै सरोकारवाला पक्ष सजग हुन जरुरी छ ।’
सभामुख शाहीले सहि कानून निर्माण र सही रुपमा त्यसको प्रयोग गरे मात्र समृद्धि, विकास, सुख प्राप्त गर्ने भन्दै कर्णाली प्रदेशले जनचाहना बमोजिम कानून बनाउने प्रयास गरिरहेको बताए । ‘जबसम्म सहि कानून, जनताको चाहना बमोजिमका कानून निर्माण गर्न सकिदैन ।’ उनले भने, ‘तबसम्म समृद्धि आउँदैन र राज्यले लिएको नीति सफल हुन सक्दैन ।’ जनसहभागितामा नै कानून निर्माण गर्नुपर्नेमा उनको जोड थियो । समाजको स्तर अनुसारको कानून नबनाए कार्यान्वयनमा गम्भिर समस्या आउने उनले बताए ।
प्रदेश सरकारका प्रमुख सचिव केवलप्रसाद भण्डारीले एक वर्षमै कानून संशोधन गर्ने गरी के काम गरियो भन्दै प्श्न गरे । ‘अन्य देशमा सयौं वर्षसम्म कानून संशोधन गर्नुपर्दैन । त्यति दुदर्शी तरिकाले कानून बनाउँछन् ।’ उनले भने, ‘तर नेपालमा किन एक वर्षमै संशोधन गर्ने कानून बनाईन्छ ?’ प्रदेशको कानूनलाई कसरी व्याख्या गर्ने भन्दै चुंडिएको चंगा जस्तो कानून बनाउन नहुने बताए ।
प्रदेश प्रहरी कार्यालयका प्रमुख डिआइजी पूर्णचन्द्र जोशीले मुलुकी संहिता कार्यान्वयन गर्न चुनौती भएको बताए । ‘कुनै घटनमा कसैलाई पक्राउ गर्न परे अदालतबाट पहिले पुर्जी दिनुपर्ने बाध्यता छ ।’ उनले भने, ‘दुर्गम क्षेत्रमा कसरी कार्यान्वयन गर्ने ?’ उनले जनशक्ति अभाव भएका कारण अपराध भएको स्थानमा इन्सपेक्टर नै खटाउने प्रावधानलाई सच्याइ त्यो भन्दा तलका अधिकारीलाई खटाउनु पर्ने व्यवस्था गर्नुपर्ने सुझाव दिए ।


ADVERTISEMENT

भदौ १, २०७६ मा प्रकाशित

प्रतिक्रिया दिनुहोस