अमेरिकी सेना प्रशान्त क्षेत्रमा चीनका अगाडि टिक्न नसक्ने अस्ट्रेलियाली थिंक ट्यांकको भनाइ

भदौ ९, २०७६

काठमाडौं – प्रशान्त क्षेत्रमा अमेरिकाको सैन्य प्रभुत्व नरहेको र उसले चीनविरुद्ध आफ्ना साझेदारलाई सुरक्षा गर्न नसक्ने अस्ट्रेलियाका एक शीर्ष थिंकट्यांकले बताएका छन् । 

सिड्नी विश्वविद्यालयको युनाइटेड स्टेट्स स्टडीज सेन्टरले प्रकाशन गरेको प्रतिवेदनमा अमेरिकी सेना सुस्त हुँदै गएको र संसारभरि फैलिनुपरेका कारण कमजोर बनेको र चीनसँगको भिडन्तका लागि तयार नरहेको बतायो । 


ADVERTISEMENT

यो मूल्यांकन सही हो भने अस्ट्रेलिया, ताइवान र जापान जस्ता अमेरिकी सुरक्षामा भर पर्ने साझेदारहरूका लागि खतराको संकेत हो । 

त्यसै त डोनल्ड ट्रम्पले चीनको आक्रामकताबाट साझेदारहरूलाई संरक्षण नगर्ने संकेत दिएका छन् । तर यो पछिल्लो प्रतिवेदनले देखाएअनुसार, अमेरिकाले चाहेमा पनि मद्दत गर्न नसक्ने स्थिति छ ।

वाशिङटनमाथि रणनीतिक टाटपल्टाइको आरोप लगाउँदै प्रतिवेदकहरूले दशकौंसम्म चलेको पश्चिम एसियाली युद्ध, पक्षधरता र लगानीको कमीका कारण अमेरिकाका प्रशान्त् साझेदारहरू जोखिममा परेको बताएका छन् । 

‘यसविपरीत चीन भने बलपूर्वक क्षेत्रीय व्यवस्थालाई चुनौती दिन समर्थ छ किनकि उनले विकसित सैन्य प्रणालीमा व्यापक लगानी गरेको छ,’ उनीहरूले चेतावनी दिए । 

राष्ट्रपति शी चिनफिङको शासनमा चीनको आधिकारिक रक्षा बजेट ७५ प्रतिशतले बढेर १७८ अर्ब डलर पुगेको छ । तर वास्तविक अंक यसभन्दा पनि बढी रहेको बताइन्छ ।

महत्त्वपूर्ण कुरा त बेइजिङले ब्यालिस्टिक क्षेप्यास्त्र तथा प्रत्याक्रमण प्रणालीमा लगानी गरेको छ र यसले गर्दा अमेरिकी सेना द्वन्द्वग्रस्त क्षेत्रमा तत्कालै पुग्न नसक्ने स्थिति छ । 

प्रतिवेदनका अनुसार, पश्चिमी प्रशान्त क्षेत्रमा लगभग सबै अमेरिकी, साझेदार र पार्टनर सैन्य अड्डा, हवाईपट्टी, बन्दरगाह र सैन्य शिविरमा बलियो संरचनाको अभाव छ र तिनीहरू ठूलो जोखिममा छन् ।

त्यसबाछ फाइदा उठाएर चीनले अमेरिकी सैन्यबल आइपुग्नुअघि नै ताइवान, जापानशासित टापुहरू वा दक्षिण चीन सागरमा भूमि कब्जा गर्न सक्छ ।

एजेन्सी  


 

भदौ ९, २०७६ मा प्रकाशित

प्रतिक्रिया दिनुहोस

ताजा समाचार