काठमाडौं – भारतको झारखण्डमा रहेको गढवा जिल्लामा शनिवार एक महिला झाँक्रीले एक महिलालाई त्रिशूल रोपेर हत्या गरेकी छन् । 

मृत महिलाको शरीरबाट भूत भगाउन झाँक्रीले त्रिशूल रोपेको बताइएको छ । झाँक्री आलम देवी र उनका पति सत्येन्द्र ओराओनलाई आइतवार पक्राउ गरिएको छ । 

कोनमन्दिरा गाउँकी रुदनी देवी विगत केही दिनदेखि बिरामी थिइन् । तर चिकित्सककहाँ जानु साटो उनको परिवार बिहीवार झाँक्रीकहाँ पुग्यो  । आलमले रोगीमाथि तान्त्रिक टुनामुना गरिन् तर उनको स्वास्थ्य सुध्रिएन । 

आलमले पीडितको परिवारलाई पीडिमा बसेको प्रेतात्मा अत्यन्तै शक्तिशाली भएको अनि रुदनी र उनको परिवार झाँक्रीको घरमा केही दिन बस्नुपर्ने बताइन् । ‘शनिवार रुदनीमाथि काला जादू गर्ने क्रममा आलमले रुदनीलाई त्रिशूल रोपेर मारिन्,’ एक प्रहरी अधिकारीले बताए । 

मृत्युलगत्तै रुदनीको परिवारले उनको शरीर लिएर दौडियो । यसको खबर पाएपछि प्रहरीले अधौरा–सपही सडकमा लाश सहित परिवारलाई पक्राउ गर्‍यो । रुदनी देवीको परिवारले प्रहरीलाई सबै कुरा बेलिविस्तार लगायो । 

‘शरीरमा घोचेका अनेकौं घाउ थिए अनि आँखाहरू निकालिएका थिए र नाक पनि भाँचिएको थियो । प्रहरीले हत्यामा प्रयोग गरिएको त्रिशूल जफत गरेको छ,’ प्रहरीले बतायो ।

एजेन्सी