संविधान राष्ट्रिय आकांक्षा हासिल गर्ने दस्तावेज : प्रधानमन्त्री ओली

फाइल फोटो
भदौ ४, २०७६

काठमाडौं – प्रधानमन्त्री केपी शर्मा ओलीले संविधानलाई समृद्ध नेपाल, सुखी नेपालीको राष्ट्रिय आकांक्षा हासिल गर्ने दस्तावेज भएको बताएका छन् ।

संविधान दिवस/राष्ट्रिय दिवस मूल समारोह समितिको बैठकलाई बुधवार सम्बोधन गर्दै प्रधानमन्त्री ओलीले सो कुरा बताएका हुन् ।


ADVERTISEMENT

प्रधानमन्त्री ओलीले संविधान ल्याउनका लागि अग्रजको संघर्ष र बलिदानको महत्त्वपूर्ण देन रहेको बताए । ‘जीउ ज्यानको मात्र बलिदानी हैन अन्य थुप्रै प्रकारका बलिदानीको योग हो संविधान,’ प्रधानमन्त्री ओलीले भने, ‘हामीले कष्टपूर्ण दिन बिताएर र अनेक अवरोध छिचोलेर यो संविधान प्राप्त गरेका हौं । त्यसकारण यसको संरक्षण कार्यन्वयन गर्ने जिम्मा हाम्रो हो ।’

प्रधानमन्त्री ओलीले संविधानले बृहत्तर राष्ट्रिय हितलाई समेटेको बताए । ‘संविधान सहमतिको दस्तावेज हो । यसले हरेक व्यक्तिका आकांक्षालाई जस्ताको तस्तै पूरा गर्दैन तर बृहत्तर राष्ट्रिय आकांक्षालाई सम्बोधन गरेको छ,’ प्रधानमन्त्री ओलीले भने, ‘संविधानले नेपालको गौरवपूर्ण परम्परा र समृद्ध नेपाल, सुखी नेपालीको राष्ट्रिय आकांक्षालाई समेटेको छ ।’

प्रधानमन्त्री ओलीले संविधान दिवस नेपाली जनताको उत्सवको दिवस भएकाले यसलाई राष्ट्रिय दिवसको रुपमा समेत मनाइएको बताए । ‘संविधान दिवसलाई भव्यता र व्यापकताका साथ मनाउनुपर्छ,’ प्रधानमन्त्री ओलीले भने, ‘यो नेपालका सबै दिवसभन्दा ठूलो दिवस हो । यसले वर्ग वा समुदायलाई मात्र हैन, देशका सम्पूर्ण वासिन्दालाई समेट्ने भएकाले यसलाई व्यापक रुपमा मनाउनुपर्छ । घरघरमा दिपावली मनाउनुपर्छ ।’

संविधान सभाबाट २०७२ असोज ३ गते जारी भएकोे नेपालको संविधानले हाम्रो गौरवपूर्ण परम्परा, वर्तमान नेपालको अवस्था र भावी नेपालको मार्गदिशा तय गरेको बताए ।

भदौ ४, २०७६ मा प्रकाशित

प्रतिक्रिया दिनुहोस

ताजा समाचार