कात्तिक २१, २०८०
पाल्पामा दुईवटा खोलामा डुबेर मंगलवार दुई जनाको ज्यान गएको छ । पाल्पाको तिनाउ गाउँपालिका–३ मा रहेको तिनाउ खोलाको ड्याममा डुबेर घुम्न आएकी भारतीय युवती महिलाको मृत्यु भएको जिल्ला प्रहरी कार्यालय, पाल्पाक...
भदौ ५, २०७६
धनगढी – सुदूरपश्चिम प्रदेश सभाले सांसदलाई धमाधम ल्यापटप वितरण गरिरहेको छ ।
ल्यापटप खरिदको विरोधमा रहेका देखिएका सांसद नै अन्ततः चुपचाप ल्यापटप बुझिरहेका छन् ।
आफूहरूसँग सल्लाह नै नगरी राज्यलाई व्ययभार हुने गरी ल्यापटप खरिदको भन्दै चर्को विरोधमा उत्रेका सत्ता र प्रतिपक्षका सांसदले चुपचाप ल्यापटप बुझिरहेको पाइएको हो ।
प्रदेशसभा सचिवालयले गत आव २०७५/७६ मा प्रदेशसभा सदस्यका लागि प्रति ल्यापटप ६० हजार २९९ रुपैयाँ पर्ने गरी खरिद गरेको थियो ।
मुख्यमन्त्री र मन्त्रीबाहेक सभामुख, उपसभामुख र ४५ जना प्रदेशसभा सदस्यका लागि लेनोभो ब्राण्डको ल्यापटप खरिद गरिएको छ ।
प्रदेशसभा सचिवालयका सचिव रामसिंह धामीले हालसम्म सत्ता र प्रतिपक्षका गरी ३२ जना सांसदले ल्यापपट बुझिसकेको र १३ जनाले बुझ्न बाँकी रहेको जानकारी दिए । ‘सबै दिइएको सेवासुविधा माननीय ज्यूहरूले बुझिरहनुभएको छ । कोही जिल्ला बाहिर रहनुभएकाले बुझ्नुभएको छैन,’ उनले भने ।
सचिवालयका अनुसार हाल नेपाली कांग्रेसका ७ जना सांसद र सत्ता पक्षका ६ जनाले ल्यापटप लिन बाँकी रहेको छ भने राष्ट्रिय जनता पार्टीका दुवै जना सांसदले बुझिसकेका छन् ।
संसद सचिवालय ल्यापटप खरिद प्रक्रिया अगाडि बढाउँदा खासगरी केही सत्ता पक्षका र प्रतिपक्षी दल नेपाली कांग्रेस र राष्ट्रिय जनता पार्टीका सांसद विरोधमा उत्रिनुका साथै नबुझ्ने अडानमा पुगेका थिए तर हाल सबैले बुझ्न थालेका हुन् ।
नेपाली कांग्रेसका संसदीय दलका नेता डा. रणबहादुर रावलले सचिवालयले आफूहरूसँग सल्लाह नै नगरी राज्यको भार थपिने गरी आफूहरूको लागि ल्यापटप खरिद गरेकाले विमति जनाएको र प्रतिपक्षले नलिने निर्णयमा पुगेको बताए तर प्रविधिको विरोधी भने आफूहरू नरहेको उनको भनाई थियो ।
ल्यापटप नलिने अडानबीच फेरि किन त्यही ल्यापटप बुझ्न थाल्नुभयो भन्ने जिज्ञासामा नेता रावलले भने, ‘प्रविधिसँग जोडिएको ल्यापटप त हामी आफैं पनि खरिद गर्न सक्छौं नि ! हामीले प्रविधिको विरोध गरेका होइनौं । व्ययभार थपिने प्रवृत्तिको विरोध गरेका हौं । साथीहरूले बुझ्नुभएको होला, त्यो उहाँहरूको कुरा हो तर मैले अझै बुझेको छैन ।’
राष्ट्रिय जनता पार्टीकी सांसद मालामति रानाले सबैले आफ्नो निर्णयमा अडिग रहन नसकेपछि अन्ततः आफूले पनि ल्यापटप बुझेको प्रतिक्रिया दिइन् । ‘कांग्रेसका साथीहरू निर्णयमा अडिग रहन सक्नुभएन । हामी २ जनाले बुझ्नु र नबुझ्नुमा सरकारलाई केही फरक पार्ने थिएन । पछि दिएको सेवा लिएका हौं ।’
सुदूरपश्चिम प्रदेश सभामा ५३ जना सांसद छन् । जसमध्ये १ राज्यमन्त्रीसहित ८ जना मन्त्रीले मन्त्रालयबाट ल्यापटप पाएका छन् । बाँकी सांसदको लागि सचिवालयले खरिद गरेको हो ।
पेपरलेसको बाटोमा संसद
प्रदेशसभा सचिवालयले संघीय संसदझैं प्रदेश सभालाई पनि पेपरलेस बनाउने रणनीतिका साथ लागेको जनाएको छ । सचिवालयका सचिव धामीले प्रविधिको प्रयोगको लागि दिइएको ल्यापटप सो अनुुसार प्रयोगको लागि सबैले उत्तिकै निगरानी बढाउन जरुरी रहेको बताए ।
पाल्पामा दुईवटा खोलामा डुबेर मंगलवार दुई जनाको ज्यान गएको छ । पाल्पाको तिनाउ गाउँपालिका–३ मा रहेको तिनाउ खोलाको ड्याममा डुबेर घुम्न आएकी भारतीय युवती महिलाको मृत्यु भएको जिल्ला प्रहरी कार्यालय, पाल्पाक...
काठमाडौं उपत्यकामा भूकम्पको झड्का महसुस गरिएको छ । सोमवार अपरान्ह ४ बजेर ३३ मिनेटको समयमा भूकम्पको झड्का महसुस गरिएको हो । जाजरकोटको रामीडाँडा केन्द्रविन्दु भएर अपराह्न ४ बजेर ३१ मिनेटमा ५ दशमलव ८ रे...
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
काठमाडौँ उपत्यका अपराध अनुसन्धान कार्यालयले ‘कल गर्ल’ चाहिएमा उपलब्ध गराइदिने भनी ठगी गर्ने दुई जनालाई पक्राउ गरी आज सार्वजनिक गरेको छ । सामाजिक सञ्जालबाट ‘कल गर्ल’ उपल...
तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...