काठमाडौं- सञ्चार तथा सूचना प्रविधि मन्त्री तथा सरकारका प्रवक्ता गोकुल बाँस्कोटाले प्रधानमन्त्री ओलीको स्वास्थ्य बाहिर आएजस्तो नबिग्रिएको बताएका छन् । 

बिहीवार मन्त्रालयमा मन्त्रिपरिषद्का निर्णयहरू सार्वजनिक गर्ने क्रममा बाँस्कोटाले प्रधानमन्त्री ओलीलाई कुनै दिन एयर एम्बुलेन्समा पनि लागिएको तर अहिले त्यस्तो अवस्था नरहेको प्रष्ट पारे । 

'उहाँ विमानस्थलमा हात हल्लाएरै जानुभएको हो,' उनले भने, 'डोलीमा चढेर, कोक्रोमा चढेर त जानुभएको होइन । कुनै बेला उहाँलाई नै एयर एम्बुलेन्समा लैजानुपरेको पनि थियो तर अहिले त्यस्तो अवस्था होइन ।'

बाँस्कोटाले प्रधानमन्त्री ओली स्वयंले अर्को चुनावमा भिड्ने कुरा गरेको स्मरण गरे ।