विप्लव समूहका ७१ वर्षीय वृद्ध नेता पक्राउ

भदौ ६, २०७६

बुटवल –नेत्रविक्रम चन्द विप्लव नेतृत्वको नेकपाका पश्चिम नवलपरासीका नेता प्रेम ढकाल (पृथ्वी)लाई प्रहरीले पक्राउ गरेको छ ।

नवलपरासी प्रहरीले बिहीवार राति उनलाई उनको घर सुनवल नगरपालिका–१३ बडेराबाट पक्राउ गरेको हो । ७१ वर्षीय ढकाललाई प्रहरीले आगो लगाएको मुद्दामा कारवाही प्रक्रिया अघि बढाइएको छ ।


ADVERTISEMENT

उनी विप्लव समूहका जिल्ला सदस्य समेत हुन् । विप्लव समूहमाथि सरकारले प्रतिबन्ध लगाएपछि उनी तनहुँ, लमजुङ र रूपन्देहीका विभिन्न स्थानमा लुकेर संगठनका लागि काम गर्दै आएका थिए ।

घर परिवारसँग भेट गर्न पुगेको बखत पक्राउ परेका ढकाललाई सार्वजनिक यातायातमा आगो लगाएको अभियोगमा मुद्दा चलाइएको जिल्ला प्रहरी कार्यालयका प्रवक्ता नायब उपरीक्षक विरेन्द्र थापाले बताए ।

प्रहरीले यस अघि ८ जनालाई पक्राउ गरिसकेको छ ।  

जसमध्ये ६ जना पार्टी गतिविधिमा संलग्न नहुने विज्ञप्ति निकालेर धरौटीमा छुटेका छन् । 

जिल्ला सेक्रेटरी सुमन ज्ञवाली र विद्यार्थी संगठनकी जिल्ला अध्यक्ष शारदा भण्डारीसहित ३ जना थुनामा छन् ।

भूमिगत बनेका जिल्ला इञ्चार्जसहित ६ भन्दा बढी नेता/कार्यकर्तालाई प्रहरीले निगरानीसँगै खोजी गरिरहेको छ । 

उनीहरू सबैमाथि सार्वजनिक यातायातमा आगो लगाएको आरोप छ ।

भदौ ६, २०७६ मा प्रकाशित

प्रकाश आचार्य

प्रकाश आचार्य लोकान्तरका लागि ५ नम्बर प्रदेशका प्रतिनिधि हुन् ।

लेखकबाट थप...

प्रतिक्रिया दिनुहोस

ताजा समाचार