काठमाडौं – थाइल्यान्डमा आएको आँधीका कारण ढलेको नरिवल रुखले थिचेको एक बाच्छोलाई उद्धार गरिएको छ । 

पाँच दिनअघि एउटा खेतनजिक बसिरहेका स्थानीयहरूले बाच्छो पीडामा कराइरहेको आवाज सुने । 

स्थानीयहरूले हातमा टर्चलाइट समातेको अनि लडेको बाच्छोलाई सुमसुम्याएको भिडियोमा देखिन्छ । घटना सामुत सोङ्क्राममा भएको हो । 

बाच्छो उठ्न खोज्छ तर ड्यांग लड्छ र मानिसहरूले उसलाई शान्त बनाउन खोज्छन् । 

उद्धारटोलीले आरा ल्याएर लडेको रुखको टुक्राटुक्रा पार्छन् अनि खाल्डोबाट टाढा पुर्‍याउँछन् । त्यही खाल्डोमा गाई पीडामा कराइरहेको हुन्छ । 

डोरी र हूक ट्रकमा बाँधेर विशाल नरिवलको रुखलाई अन्तैतिर तान्छ । 

बाच्छोलाई जेल्ने घाँस पनि स्थानीयहरूले काटिदिन्छन् । 

त्यसको मालिक ओरापिन जान्कलोम बाच्छोनजिक पुग्छ र उसलाई सुमसुम्याउँछ ।

एजेन्सी