काठमाडौं – अमेरिकाको ह्युस्टनमा आइतवार आयोजित हाउडी मोदी कार्यक्रममा भारतका प्रधानमन्त्री नरेन्द्र मोदी र अमेरिकाका राष्ट्रपति डोनल्ड ट्रम्पले भाषण गरेका छन् । 

बाजागाजा सहित स्वागत समारोहपछि मोदी र ट्रम्पले भाषण गरेका हुन् । समारोहस्थलमा मोदी मोदी र यूएसए यूएसए नारा गुञ्जिएको थियो । भाषण सकिएपछि मोदीले ट्रम्पलाई गर्न लगाएको कामले चाहिँ सुरक्षा निकायहरूको पसिना आएको थियो । 

मोदीको भाषणका बेलामा ट्रम्प स्टेनमुनि बसेर ध्यानपूर्वक सुनिरहेका थिए । भाषण समाप्त भएपछि मोदी ट्रम्पलाई भेट्न आए । मोदीले ट्रम्पलाई हातको इशाराले एनआरजी मैदान एक चक्कर लगाउने र मानिसहरूको अभिवादन स्वीकार गर्ने सुझाव दिए अनि ट्रम्पले तत्कालै यो सुझाव माने । 

त्यसपछि दुवै नेता मैदानभित्रै मानिसहरूलाई भेट्न थाल् । मोदी र ट्रम्पको अचानकको निर्णयले सुरक्षा निकाय सचेत भए । दुवै नेताहरू ५० हजार मानिसको भीडमा गएको देख्दा राष्ट्रपतिको सुरक्षा व्यवस्था मिलाउने सिक्रेट सर्भिसका जवान र मोदीको सुरक्षामा खसटएका एसपीजीका जवान दौडिन थाले । 

एसपीजी र सिक्रेट सर्भिसका जवानले मोदी र ट्रम्पको चारैतिर कडा सुरक्षा घेरा बनाए । दुवै सुरक्षा निकायका जवानको अनुहारमा चिन्ता देखिन्थ्यो । 

मोदी र ट्रम्पलाई आफूनजिक पाएर जनता पनि उत्साहित भयो र उभिएर स्वागत गरे । दुवै नेताले हात हल्लाएर भारतीय–अमेरिकी मानिसको अभिवादन स्वीकार गरे । मैदानमा चक्कर लगाउँदा सिक्रेट सर्भिस र एसपीजीका जवान दौडिएको देखिए ।

एजेन्सी