धमाधम हुँदैछ अग्रिम टिकट बूकिङ, काउन्टरहरूमा निकै लामा लाइन

असोज ६, २०७६

काठमाडौं– दशैंमा काठमाडौंबाट घर फर्किनेहरूका आइतवारदेखि धमाधम अग्रिम टिकट बूकिङ भइरहेको छ ।

काठमाडौंको गोंगबुस्थित नयाँ बसपार्क, कलंकी, बल्खु, पुरानो बसपार्क, कोटेश्वर, चाबहिल, स्वयम्भू, सुन्धारा, लगनखेल लगायतका स्थानबाट टिकट बूकिङको व्यवस्था मिलाइएको छ । 


ADVERTISEMENT

टिकट काउन्टरमा पहिलो र दोस्रो दिन निकै भीड लागेको छ ।

यात्रुहरूले ३/४ घण्टा लाइनमा बसेपनि टिकट नपाएको गुनासो गरेका छन् । भीडका कारण निकै लामो लाइन छ । 

विशेषगरी मध्य र सुदुरपश्चिम जाने बसका टिकट काउन्टरहरूमा भीड देखिएको छ ।

अपांगता भएका यात्रुहरूलाई लाइनमा नबसी काउन्टरबाट सिधै टिकट दिने व्यवस्था मिलाइएको छ ।

टिकट काउन्टरहरूमा बिचौलियाको घुसपैठ हुन नदिन जनपथ प्रहरी परिचालन गरिएको छ ।

अहिलेसम्म कुनै यात्रुले गुनासो गर्न नआएको प्रहरी उपरीक्षक सुवास देउवाले लोकान्तरलाई बताए। 

दशैंमा लाखौंको संख्यामा यात्रु राजधानीबाट बाहिरिने गर्छन् ।

 

असोज ६, २०७६ मा प्रकाशित

सुरेन्द्र श्रेष्ठ

श्रेष्ठ लोकान्तरका मल्टिमिडिया संवाददाता हुन् ।

लेखकबाट थप...

प्रतिक्रिया दिनुहोस