×

NMB BANK
NIC ASIA

शी स्वागतको तयारी

चिनियाँ राष्ट्रपति शीको नेपाल भ्रमण तयारी : यस्तो देखियो एयरपोर्टदेखि सोल्टी होटलसम्म नियाल्दा

असोज २३, २०७६

NTC
Sarbottam
Premier Steels
Marvel

काठमाडौं- लगभग एक हप्ताको अन्तरालमा सरर काठमाडौं नियाल्ने हो तपाईंले अचम्मको परिवर्तन पाउनुहुन्छ । कारण- चिनियाँ राष्ट्रपति शी जिनफिङको नेपाल भ्रमण ।

Sagarmatha Cement
Muktinath Bank

चिनियाँ राष्ट्रपति शीको स्वागतका लागि त्रिभुवन अन्तर्राष्ट्रिय विमानस्थललाई सफा र सुन्दर बनाउने कोशिश गरिएको छ । एयरपोर्टभित्रैबाट बाहिर निस्कने सडकका पोलहरूमा दुवै देशका राष्ट्रपतिको फोटो झुण्ड्याइएको छ ।


Advertisment
RMC TANSEN
IME BANK INNEWS
shivam ISLAND

आउनुस् पहिला तिनकुने नियालौं ।


Advertisment
Nabil box
Kumari

त्रिभुवन अन्तर्राष्ट्रिय विमानस्थलबाट करीब दुई किलोमिटरको दुरीमा छ तिनकुने ।

Vianet communication
Laxmi Bank

तिनकुनेका खाली स्थानमा फूलहरू धमाधम रोपिँदै छन् भने पुराना बोटविरुवाको गोडमेल पनि भइरहेका छन् ।

सिनामंगल हुँदै तिनकुनेबाट बानेश्वर आउने बाटोको एउटा कुनामा कालो बोर्ड ठड्याइँदै छ । ३-४ जना मजदुर दिउँसोको गर्मीमा उक्त बोर्ड फिट गरिरहेका छन् । चिनियाँ राष्ट्रपति सी को स्वागतका लागि त्यहाँ 'डिजिटल बोर्ड' बनाउन लागिएको त्यहीँ खटिरहेका एक मजदुरले बताए ।

अर्को अचम्मको कुरा के हो भने तिनकुनेको खाली मैदान अहिले बाहिरबाट देखिँदैन । मैदानको छेउमा कृतिम डाँडा सिर्जना गरिरहेको छ त्यो पनि रातारात । कृतिम डाँडोमा अलिकति पनि माटो देख्न मुश्किल छ । चारैतिर दुबोका चक्लाले ढाकिएको छ । अझ दुबोको बीचबीचमा विभिन्न प्रजातिका फूलहरू फुलेका छन् ।

डाँडाको टुप्पामा लस्करै धुपी र पामका विरुवाहरू रोपिएका छन् भने कतिपय त रुखकै रूपमा उभ्याइएका छन् ।

१२ : ४५ बजे सल्यानका तीन युवा एक हातले पसिना पुछ्दै अर्को हातले मुङ्ग्रोजस्तो देखिने औजारले माटोमा टाँसिएका दुबो हिर्काउँदै थिए ।

किन यस्तो गरेको ?

१७ वर्षीय छवि बोहराले भने, 'पानी हालेपछि मुङ्ग्रोले थिच्यो भने यो चाँडै सर्छ अनि चाँडै सेट हुन्छ ।'

शिवपुरी नर्सरीबाट खटाइएका उनलाई रातारात रोपिएका दुबो र बिरुवाहरू सरेर हरियाली छाउनेमा शंका छ । भन्छन्, 'दुबो र विरुवामा पानी पुगेकै छैन । बिहान बेलुका माथिमाथि पानी हालेर के हुन्छ र ? पानी र मल भएन भने यिनीहरू सर्दैनन् ।'

छवि बोहरा, कृष्ण कुँवर र बुद्धि विष्टलगायतले नै तिनकुनेमा दुबो टाँस्ने तथा बिरुवा रोप्ने काम गरेका रहेछन् ।

दशैंमा घर नगएको त ? तीनै जना एकै लयमा जवाफ फर्काउँछन्, 'दशैंमा गइएन । घरबाट त बोलाउनुभएको थियो । अब तिहारमा जाने । 'त्यस्तै तीनकुने आसपासमै एक टोली सडकका पेटी बढार्न व्यस्त देखिन्थे । सडकमा दशैंको टीका र जमरा लगाएर ओहरदोहर गरिरहँदा सडक बढारिरहेका टोलीका एक रणबहादुर थापालाई राम्रोसँग दशैं मनाउन नपाउँदा खिन्न लागेको रहेछ । भन्छन्, 'टिका लगाएर भ्याइएकै छैन । सरकारले सडक बढार्न बोलायो हजुर । आउन परिहाल्यो । चीनबाट ठूलो मान्छे आउने अरे !'

अब तिनकुने हुँदै बानेश्वरतर्फका सडकका कुरा गरौं । तिनकुने कट्नेबित्तिकैको पुलका रेलिङ रङ्ग्याइएको छ भने भित्तामा चिनियाँ राष्ट्रपतिको स्वागतका लागि तयार पारिएका बोर्ड अड्याइएको छ । तर ती सद्दे छैनन् । ठाउँठाउँमा च्यातिएका छन् । यद्यपि बोर्ड च्यात्नेलाई प्रहरीले पक्राउ गरिसकेको छ ।

एयरपोर्टदेखि सोल्टी होटलसम्मका पोलहरूमा चिनियाँ राष्ट्रपति सी चिन पिङ र राष्ट्रपति विद्यादेवी भण्डारीको फोटो झुण्ड्याइएको छ । केही पोलहरूमा राष्ट्रपतिहरूको फोटो टाँसिइसकिएको छ भने केहीमा धमाधम टाँस्ने काम भइरहेको छ । टेकुदेखि सोल्टीमोडका केही पोलहरूमा बिहीवार अपरान्हसम्म फोटो झुण्ड्याइएको छैन ।

चिनियाँ राष्ट्रपतिको स्वागतका लागि उनको सवारी रहने स्थानलाई आकर्षक देखाउने प्रयत्न भइरहेको छ । काठमाडौंका सडकहरू सफाचट् बनाउने कार्यअन्तर्गत बिहीवार महानगरपालिकाका ब्रूमरहरूले धुलो टिपिरहेका थिए । हालै कालोपत्रे गरिएका सडकमा जेब्राक्रसदेखि छेउछेउका लाइनहरूले अझ आकर्षक देखाउँछ ।

माइतीघर र सोल्टीमोडमा पनि डिजिटल बोर्ड जडान भइरहेको छ ।

सोल्टीमोडदेखि सोल्टी क्राउन प्लाजासम्मको सडक पनि सफा गरिएको छ भने भित्तामा रंग लगाइएको छ । सोल्टी क्राउन प्लाजा छिर्ने मुख्य गेटभन्दा लगभग ३० मिटर परको सडकले भने मुहार फेर्न सकेको छैन । उक्त सडक पुरानै अवस्थामा छ ।

चिनियाँ राष्ट्रपति सी जिन पिङ यही असोज २५ गते नेपाल भ्रमणमा आउँदैछन् ।

हेर्नुहोस् रंगिएको काठमाडौं :

hAMROPATRO BELOW NEWS
TATA Below
मंसिर १४, २०८०

नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...

पुस २५, २०८०

आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...

कात्तिक २१, २०८०

पाल्पामा दुईवटा खोलामा डुबेर मंगलवार दुई जनाको ज्यान गएको छ । पाल्पाको तिनाउ गाउँपालिका–३ मा रहेको तिनाउ खोलाको ड्याममा डुबेर घुम्न आएकी भारतीय युवती महिलाको मृत्यु भएको जिल्ला प्रहरी कार्यालय, पाल्पाक...

कात्तिक २७, २०८०

तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...

कात्तिक २०, २०८०

काठमाडौं उपत्यकामा भूकम्पको झड्का महसुस गरिएको छ । सोमवार अपरान्ह ४ बजेर ३३ मिनेटको समयमा भूकम्पको झड्का महसुस गरिएको हो । जाजरकोटको रामीडाँडा केन्द्रविन्दु भएर अपराह्न ४ बजेर ३१ मिनेटमा ५ दशमलव ८ रे...

कात्तिक २२, २०८०

पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x