काठमाडौं – नेपाल र चिनियाँ प्रतिनिधीमण्डलबीच द्विपक्षीय वार्ता सम्पन्न भएको छ ।

प्रधानमन्त्री केपी शर्मा ओली र चिनियाँ राष्ट्रपति शी चिनफिङको उपस्थितिमा दुई देशबीच सहमति पत्र आदानप्रदान समेत गरिएको छ ।

समझदारी पत्रमा हस्ताक्षर भने यसअघि नै भइसकेको थियो ।

एक विशेष समारोहमा परराष्ट्र मन्त्री प्रदीप ज्ञवाली र चिनियाँ विदेश मन्त्री वाङ यीले समझदारी पत्र आदानप्रदान गरे ।

यसका अलावा चिनियाँ प्रतिनिधीमण्डल र नेपाली टोलीका अन्य अधीकारीहरूबीच पनि विभिन्न समझदारी पत्र आदानप्रदान भएको छ ।

सुरुङ मार्ग निर्माण, आपराधिक गतिविधि नियन्त्रण, सीमा सुरक्षा, आयुर्वेदिक उपचार पद्धति विस्तार लगायतका समझदारीमा हस्ताक्षर भएको छ ।

यसका अलावा काठमाडौं महानगरपालिका र चीनको नान्जी शहर तथा बुटवल उपमहानगरपालिका र चीनको सियान शहरबीच भगिनी सम्बन्ध स्थापनासम्बन्धी समझदारी समेत भएको छ ।