काठमाडौं – अर्जेन्टिनामा तीव्र गतिमा आइरहेको एक सबवे ट्रेनका अगाडि लडे पनि एक महिला बाँच्न सफल भएकी छन् । एकजना पुरुष बेहोश भएर ढल्दा महिलामा ठोकिन पुगेका थिए जसले गर्दा महिला ट्रेनअगाडि लडेकी थिइन् । 
दुर्घटनापछि महिला ट्य्राकमा बेहोश भएकी थिइन् । घटना राजधानी ब्युनोस आयर्समा मंगलवार बिहान भएको हो । 

सीसीटीभी फूटेजमा एक पुरुष प्ल्याटफर्मको पछिल्तिरको भागमा बेहोश भएर सन्तुलन गुमाउन पुगेको र उनीअगाडि रहेकी महिलामा ठोकिएको देखिन्छ । 

अन्य यात्रुहरूले बेस्सरी हात हल्लाएर ट्रेनलाई ब्रेक लगाउन संकेत गरेका थिए । बेहोश भएका पुरुष बिस्तारै उभिएका थिए । 

घटना मंगलवार बिहान ११ बजे पुएरेडोन मेट्रो स्टेसनको लाइन डीमा भएको हो । 

ट्रेनचालकले समयमै ट्रेन रोकेपछि केही मानिस ट्य्राकमा ओर्लिएर महिलालाई सुरक्षित स्थानमा ल्याएका थिए । 

उनलाई प्रहरी र चिकित्साकर्मीहरूले सहायता गरेका थिए ।

एजेन्सी