×

NMB BANK
NIC ASIA

पति विदेशमा पसिना बगाउँदै, पत्नी परपुरुषसँग अँगालोमा बेरिएर आत्महत्या !

बैशाख २५, २०७७

NTC
Sarbottam
Premier Steels
Marvel

रुपन्देहीको बुटवल उपमहानगरपालिका–१९ मोतिपुरकी लक्ष्मी कुँवर क्षेत्रीको ढोकामा बिहान साढे ४ बजे ढकढक आवाज बज्यो । बिहानै ढोकामा ढकढक भएपछि क्षेत्रीले सोधिन्, ‘को हो हँ ?’

Sagarmatha Cement
Muktinath Bank

ढोका नखोल्दै जवाफ आयो, ‘दिदी म गीता हो । ढोका खोल्नुहोस् न छिटो ।’


Advertisment
RMC TANSEN
IME BANK INNEWS
shivam ISLAND

उज्यालो नहुँदै बिहान ढोका खोल्दा बहिनी गीताले छोरा समातेर ढोका नजिकै उभिएको देखेर उनी छक्क परिन् । उनले सोधिन्, ‘किन यति बिहानै आएकी ?’ ‘दिदी म एकैछिनमा आउँछु है’ भनेर छोरोलाई घरभित्र धकेलेर गीता दौडिएर गइन् । ‘कहाँ गएकी होला ?’ लक्ष्मीले खुट्याउन सकिनन् ।


Advertisment
Nabil box
Kumari

एकछिनपछि गीताले परपुरुषसँग डोरीमा झुण्डिएर आत्महत्या गरेको खबर गाउँभर फैलियो । नजिकैको नहरमा रहेको सिसौको रुखमा गीता र एक जना पुरुष एउटै डोरीमा पाँसो लगाएर झुण्डिएका गाउँलेले देखे । लक्ष्मीलाई शुरूमा त विश्वास लागेन । 

Vianet communication
Laxmi Bank

उनी घटनास्थलमा पुग्दा बहिनी गीता डोरीमा झुण्डिएको आफ्नै आँखाले देखिन् । लक्ष्मीलाई सम्हालिन गाह्रो भयो । जसरी–तसरी घर आइन् । घरमा आउँदा गीताका ५ वर्षीय छोराले सोधे, ‘ठूलीमम्मी मम्मी कतिखेर आउनुहुन्छ ?’ उनीसँग सहज जवाफ थिएन ।

बुटवल उपमहागरपालिका–१९ मोतिपुर पत्थरगञ्जमा एउटै डोरीमा झुण्डिएर २ जनाले आत्महत्या गरेको घटनामा प्रहरीले अनुसन्धान गरिरहेको छ । आत्महत्या गर्ने दुवै विवाहित हुन् ।

झण्डै ८ महिनाअघि लक्ष्मीकी बहिनी गीता खड्का क्षेत्रीलाई उनका पतिले डेरामा राखेर विदेश गएका थिए । दिदीको घरनजिकै छोरालाई पढाउन सजिलो होला भनेर गुल्मीको मदाने गाउँपालिका–५ बाट डेरामा राखेर गीताका पति वैदेशिक रोजगारीका लागि मलेसिया गए ।

गीतालाई पतिले समय–समयमा पैसा पनि पठाइदिन्थे तर बुटवल झरेको १ वर्ष नहुँदै बुटवलका विभिन्न उद्योगमा काम गर्ने उदयपुर चौदण्डीका हिरा श्रेष्ठसँग गीताको हिमचिम बढ्यो । ४ महिना अघिदेखि बहिनी गीता परपुरुषसँग बोल्ने गरेको थाहा पाएपछि लक्ष्मीले सम्झाउन खोजिन् । बारम्बार सम्झाउन खोज्दा गीताले ‘तपाईंलाई के चाहियो, बोल्न पनि नपाउने’ भनेर उल्टै थर्काएको लक्ष्मीले बताइन् ।

लोकान्तरसँगको कुराकानीमा लक्ष्मीले रुँदै भनिन्, ‘ज्वाइँले त्यसलाई जति पनि पैसा पठाइदिन्थे । बुटवल झरेको १ वर्ष नहुँदै आफू पनि गई परिवार र छोराको बिचल्ली पारी । मेरो घर नजिकै ल्याएर राखेपछि दिदीले रेखदेख गर्नुहुन्छ भनेर छाडेर मलेसिया गएका सोझा ज्वाइँ राजालाई मैले अब के जवाफ दिउँ ?’

एउटै डोरीमा पासो लगाउने गीता र हिरा दुवै विवाहित हुन् । हिराको पनि उदयपुर घरमा छोरा छ । हिरा विगत केही वर्षयता मोतिपुरमै कोठा लिएर भाडामा बस्थे । दुवैको नजिक–नजिकै कोठा थियो ।

भेटघाट बढेपछि दुवैबीच माया बस्यो । न हिराले घरको छोरा र पत्नी सम्झे, न गीताले विदेशमा रहेका पति र घरको छोरालाई सम्झिन् । विदेशमा दिनरात नभनी पसिना बगाउने पतिलाई बिर्सेर गीताले क्षणिक माया सम्झिइन् ।

गीताका पति गत चैत २० गते घर आउन टिकट लिइसकेका थिए । कोरोनाको महामारीले गर्दा विश्वभर आवागमन रोकिएपछि उनी स्वदेश फर्किन पाएनन् । उनी नआउँदै पत्नीले परपुरुषको अँगालोमा बेरिएर संसार छाडिन् । गीता २३ वर्ष पुगेकी थिएन भने हिरा ३० वर्षका थिए । 

बुधवार दुवै जनाको पोस्टमार्टमपछि बुटवल नजिकै मगरघाटमा दाहसस्कार गरिँदैछ । इलाका प्रहरी कार्यालय बुटवलमा प्रमुख डीएसपी भीमलाल भट्टराईले प्रेम सम्बन्धमा परेपछि आत्महत्या गरेको हुनसक्ने सोधखोज र प्रारम्भिक अनुसन्धानबाट खुलेको बताए ।

‘समाजमा यस्ता घिनलाग्दा घटना बढेका छन् । श्रीमान विदेशमा श्रीमती अर्कैसँग सम्बन्ध राखेर आत्महत्यासम्म गर्नु समाज नराम्रोमा बाटोमा गएको देखिन्छ,’ उनले भने ।

परिवारको सुखका लागि नेपाली युवा विदेश जाने तर घरको बिचल्ली हुने घटना बढ्दै गएको देखिएको छ ।

hAMROPATRO BELOW NEWS
TATA Below
माघ २७, २०८०

भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...

माघ १३, २०८०

रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...

कात्तिक २५, २०८०

बुटवलका कुलचन्द्र पाण्डे सफल पर्यटन व्यवसायी हुन् । कुनै समय भारतको एउटा कम्पनीमा काम गरेका पाण्डे अहिले रूपन्देहीमा ‘एसियन ब्राण्ड’ चम्काउने ‘टुरिजम’ उद्यमीका रूपमा चिनिन्छन् । तीन दशकअघि...

मंसिर १४, २०८०

प्रगतिशील राजनीतिको 'फ्रन्टलाइन'मा देखिने नेताहरू जति कठोर हुन्छन्, त्यो भन्दा बढी ‘इमोसनल र सेन्टिमेन्टल’ पनि हुन्छन् । त्यस्तै ‘इमोसनल फिलिङ्स’का बाबजुद परिस्थितिले कठोर बन्दै गएक...

फागुन ५, २०८०

श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...

माघ ५, २०८०

मनीषा जीसीको वास्तविक नाम विष्णु घर्ती क्षेत्री हो । गुल्मीको धुर्कोट गाउँपालिका– ३ हाडहाडेकी विष्णुलाई धेरैले मनीषा भनेर चिन्छन् । उनै मनीषा लोक सेवा आयोगले लिएका पाँचवटा परीक्षामा एकसाथ नाम निकालेर अह...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x