ऊर्जा, जलस्रोत तथा सिचाईं मन्त्रालयले तनहुँ, गोरखा, धादिङ हुँदै बग्ने केही साना नदीमा आकस्मिक बहाव हुन सक्ने भन्दै सतर्कता अपनाउन सुझाव दिएको छ ।

मन्त्रालय अन्तर्गतको बाढी सूचना विभागले आइतवार सामाजिक सञ्जाल ट्वीटरमा यस्तो सतर्कता अपनाउन सुझाव दिएको हो ।

ट्वीटरमा लेखिएको छ, ‘जेठ -१२ साँझ ५ बजे हाल तनहूँ, गोरखा, धादिङको केही स्थानमा मध्यम बर्षा र चितवन, नुवाकोटका उपत्यका, ओखलढुङगा, दोलखा, सिन्धुपाल्चोक र आसपास केही स्थानमा हल्का वर्षा भइरहेको छ । तनहूँ, गोरखा, धादिङ भई बहने केही साना नदीमा आकस्मिक बहाव हुन सक्छ, तटीय क्षेत्रमा आज रातिसम्म सतर्कता अपनाऔ ।’