कोरोना भाइरस संक्रमणको महामारीसँग भारतबाट स्वदेश फर्किने क्रममा धनुषाको जटही नाकामा एक नेपालीको मृत्यु भएको छ ।

जिल्ला प्रहरी कार्यालय धनुषाका प्रहरी उपरीक्षक (एसपी) रमेशकुमार बस्नेतका अनुसार भारतबाट सीमा नाकासम्म आएका शहीदनगर नगरपालिका–९ का ३० वर्षीय पुरुषको मृत्यु भएको हो ।

घरसम्म जानका लागि मंगलवार राति जटही नाकामा पुगेका नेपालीमध्ये उनको मृत्यु भएको एसपी बस्नेतले बताए । प्रहरीका अनुसार मृत्युको कारण खुल्न सकेको छैन ।

सीमामा नेपालीको मृत्युपछि एकछिन आक्रोशित भीडका कारण अवस्था जटिल बनेपनि अहिले सामान्य भइसकेको प्रहरीले जनाएको छ । सीमासम्म पुगेका नेपालीलाई स्थानीय तहसँग समन्वय गरेर क्वारेन्टाइनमा पठाइएको छ ।