कात्तिक १८, २०८०
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
जेठ १४, २०७७
संविधान संशोधन विधेयकको कार्यसूची हटाएर प्रतिनिधि सभामा रेडियोधर्मी पदार्थको नियमनसम्बन्धी विधेयकमाथि छलफल भएको छ ।
कोरोना महामारीको समयमा यस्तो विधेयक कार्यसूचीमा राखिएको भन्दै सांसदहरूले आपत्ति जनाएका छन् । बुधवार बसेको प्रतिनिधि सभा बैठकको अन्तिम कार्यसूची रेडियोधर्मी पदार्थको उपयोग तथा नियमनसम्बन्धी विधेयक, २०७६ माथि राष्ट्रिय सभाबाट भएको संशोधनमाथि विचार गरियोस् भन्ने प्रस्ताव पेश गर्ने थियो ।
नेपाली कांग्रेसका सांसद दीव्यमणि राजभण्डारीले गलत समयमा विधेयक ल्याइएको भन्दै आपत्ति जनाए ।
‘अहिले कोरोनाको समस्यामा संसद्मा यस्तो विधेयकमा छलफल नगरी नहुने ? यो विधेयक कहाँबाट आयो ? अहिलेको अवस्थामा यो विधेयक पारित गर्न सकिने अवस्था छैन,’ उनले भने, ‘अहिले अन्तर्राष्ट्रिय परिस्थितिअनुसार कोरोनाले कहाँ पुर्याउँछ भन्ने चिन्ता छ । कोरोनाको पीसीआर टेस्ट गर्ने व्यवस्था छैन, अहिलेलाई यो विधेयक स्थगन गरौं । समय परिस्थिति हुँदा छलफल गरौंला ।’
नेमकिपाका प्रेम सुवालले अन्तर्राष्ट्रिय आणविक ऊर्जा एजेन्सी आईईएको प्रभावमा यो विधेयक ल्याइएको आरोप लगाए ।
‘नेपालको केही जिल्ला दोलखा, मकवानपुर, मुस्ताङ र बैतडीमा युरेनियम भएको र युरोनियम खानी उत्खनन् र प्रशोधन गर्न आईईएको सहयोग लिनेगरी विधेयक ल्याइएको छ । कोही नेपालको नदीनाला कब्जा गर्ने, कोही वन र खानी कब्जा गर्ने हामी नेपाली ऐन बनाउँदै जाने यो ठीक छैन,’ उनले भने ।
सुवालले रेडियोधर्मी पदार्थको विकिरण व्यवस्थापन गर्न ५ सय मिटर गहिरो खाल्टो बनाउनुपर्नेमा नेपालका जिओलोजिस्टले अध्यन गर्दा यसको व्यवस्थापन गर्न नसकिने निष्कर्ष निकालेको उनले दाबी गरे ।
‘यो चुहियो भने नेपालको हावापानी बिरुवा सबैलाई सताउँछ । कोरोनाको बाजे हो ! यति कुरा सरकारलाई थाहा हुनुपर्ने हो,’ उनले भने, ‘इराकमा अमेरिकाले हमला गरेको आईईएको रिपोर्टका कारण हो । हामी त्यही आईईएको सहयोग लिन यो विधेयक बनाउँदैछौं,’ सुवालले भने, ‘हामी विषादी मिसाएको तरकारी रोक्न सक्दैनौं, यस्तो स्थितिको देश भएकाले पहिले आफूलाई बलियो बनाऊँ । आईईएको सहयोग नलिई उत्तर कोरियाले जस्तै आफैं बलियो भएर गरौंला । यो विधेयक पास गर्नुहुन्न, खारेज गरौं ।’
सांसदहरूको प्रश्नको जवाफ दिँदै शिक्षा, विज्ञान तथा प्रविधि मन्त्री गिरिराजमणि पोखरेलले नेपालमा रेडियोधर्मी पदार्थको उपयोग सुरक्षित रूपमा भइरहेको छ भन्ने बलियो कानूनी आधार नभएकाले यो विधेयक ल्याउनुपरेको बताए ।
उनले रेडियोधर्मी विकिरणको अनाधिकृत प्रयोगबाट बचाई, वातावरण संरक्षणका सम्बन्धमा यसले मद्दत पुर्याउने दाबी गरे ।
‘नेपाली जनताको आवश्यकताका लागि यो विधेयक ल्याइएको हो । अहिले कोभिडका बेलामा पनि स्वाब टेष्ट गरिरहेका छौं । प्रविधिको प्रयोग नगरी टेस्ट हुँदो रहेनछ भन्ने कुरा पनि प्रस्ट भएको छ,’ उनले भने ।
विधेयकका सम्बन्धमा राष्ट्रिय सभाबाट भएको संशोधन प्रतिनिधि सभाले बहुमतले पारित गरेको छ । नेपाली कांग्रेस र नेमकिपाले विधेयकको विरोध गरेका थिए ।
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...