सत्तासिन नेपाल कम्युनिस्ट पार्टीका अध्यक्ष पुष्पकमल दाहाल ‘प्रचण्ड’ ले सरकारले बिहीबार सदनमा प्रस्तुत गरेको आगामी आर्थिक वर्ष ०७७/०७८ को बजेट निकै सन्तुलित रहेको बताएका छन्।

अर्थमन्त्री डा युवराज खतिवडाले सदनमा बजेट प्रस्तुत गरिसकेपछि सञ्चारकर्मीलाई प्रतिक्रिया दिँदै प्रचण्डले भने, ‘कोरोना महामारीको विषम् परिस्थितिमा पनि निकै सन्तुलित, जनतालाई राहतदिने किसिमको, प्रगतिशील, जनपक्षीय र समाजवादउन्मूख आयो, म खुसी छु।’ 

पूर्वप्रधानमन्त्री प्रचण्डले बजेटले विशेषगरी निम्नवर्गीय जनताको समस्यालाई सम्बोधन गरेको र राहतमूखी प्रयास गरेको बताए।

अहिले स्राेतको दबाब रहेका बेला सरकारले राजश्व तथा बाह्य र आन्तरिक ऋणको आकलन गरेकोमा त्यो बस्तुगत रहेको प्रचण्डले बताए।