×

NMB BANK
NIC ASIA

७० वर्षे वृद्ध उपचारका लागि मकवानपुरदेखि हिँड्दै वीर अस्पताल

संघ–संस्थाले दिएको खान्छन्, दरबारमार्गको पेटीमा सुत्छन्

जेठ २१, २०७७

NTC
Sarbottam
Premier Steels
Marvel

मध्यजेठको उखरमाउलो गर्मीमा पनि २ वटा ज्याकेट तथा जाडो महिनाको न्यानो टोपी लगाएर म्याल (एक प्रकारको काठ)को लौरो टेक्दै मंगलवार अपराह्न एक वृद्ध वीर अस्पतालबाट रत्नपार्कतर्फको सडकमा टोलाएर उभिइरहेका थिए ।

Sagarmatha Cement
Muktinath Bank

पिठ्युँमा एउटा झोला र हातमा पानीको बोत्तल रहेको अर्को झोला थियो । 


Advertisment
RMC TANSEN
IME BANK INNEWS
shivam ISLAND

‘आफ्नै उपचारका लागि हेटौंडातिरबाट आएको हो, पहिलोपटक काठमाडौं आउँदा हिँडेर आएको थिएँ, अहिले फेरि हिँड्दै आएँ,’ ७० वर्ष पुग्नै लागेका दलबहादुर कार्कीले भने ।


Advertisment
SBL

पहिलोपटक १३ वर्षको उमेरमा उनी काठमाडौं आएका रहेछन् । ‘७० वर्ष पुग्न ४ महिना बाँकी छ, उमेर आफैँ हिसाब गर्नुस्,’ उनले उमेर सुनाए । 

Vianet communication
Laxmi Bank

पहिलोपटक काठमाडौं आउँदा दैनिक ९ सुका (२ रुपैयाँ २५) पैसा ज्यालामा काम गरेको उनले स्मरण गरे । त्यो विक्रम संवत् २०२० तिरको कुरा हो । 

जिन्दगीको अधिकांश समय काठमाडौंमा मजदूरी र मजबुरी जीवन व्यतित गरेका दलबहादुर केही वर्ष पहिले आफ्नो गाउँ फर्केका रहेछन्, बिरामी परेपछि । 

१३ वर्षको उमेरदेखि मजदूरी गरेका दलबहादुरले घरजम गर्ने अवसर पाएनन् । ‘यस्तै भयो सर, विवाह भएन जिन्दगी एक्लै गुजारेँ,’ लोकान्तरसँग उनले भने । 

२०७१ सालमा आन्द्राको अप्रेसन गरेपछि दलबहादुरलाई अरू रोगले पनि गाँज्यो ।

‘पछिल्लो समय दम बढ्यो, काम गर्न नसकेपछि गाउँ फर्किएँ, मैले खाने दबाइ नपाएपछि हिँड्दै काठमाडौं आएको हुँ,’ उनले भने । 

चिउरा र दालमोठ चपाउँदै ९ घण्टा पैदल हिँडेर अस्पताल

मकवानपुरको इन्द्रसरोवर गाउँपालिका ७ खार्पुका दलबहादुर १७ गते शनिवार काठमाडौं आएका हुन् । ‘बिहान ५ बजे हिँडेको चखेल हुँदै दिउँसो १२ बजे मातातीर्थ आइपुगेको थिएँ, तीन बजेतिर यहाँ आइपुगें,’ दलबहादुरले भने, ‘४ बजेतिर खानाका प्याकेट बाँडेका रहेछन्, त्यही खाएर दरवारमार्गमा गएर सुतें ।’

सार्वजनिक यातायात नचलेको र आफूलाई कसैले नल्याएका कारण हिँडनु पर्ने बाध्यता आएको उनले सुनाए । 

‘घरको आँगनबाट एम्बुलेन्स र गाडी ओहोरदोहोर गरिरहेका छन्, तर कसैले नल्याएपछि हिँड्दै आएँ,’ उनले भने । 

आन्द्राको अप्रेसन गरेका कारण नियमित जाँच गराउनु पर्ने भएकाले लकडाउनको समयमा पनि अस्पताल धाउनु परेको उनले सुनाए ।

उपचार गरेरै गाउँ फर्किने योजनामा आएका दलबहादुर विभिन्न संघ–संस्थाले दिएको निःशुल्क खाना खाएर दरबारमार्गको पेटीमा रात गुजारिरहेका छन् ।

लामो समय काठमाडौं बसाइमा कमलपोखरी क्षेत्रमा बसेका उनलाई दरबारमार्ग क्षेत्र प्रिय लाग्छ ।

‘हेर्दाहेर्दै काठमाडौंमा धेरै फेरबदल आयो, उबेला ६ हजार रुपैयाँमा घडेरी पाइएको थियो, ९ सुका तलब खानेले कहाँबाट घडेरी किन्नु ?’ उनी फिस्स हासें ।

चिउरा र दालमोठ चपाउँदै चन्द्रागिरीको उकालो चढेको उनले बताए ।

‘झोलामा तातोपानी बोकेर हिँडेको थिएँ, चिउरा र दालमोठ खाँदै हिँडें,’ उनले भने । ट्रेकिङ मजदूरको रूपमा काम गरेका कारण अहिले पनि हिँड्नका लागि धेरै समस्या नहुने उनी बताउँछन् ।

आमादब्लम ट्रेकिङ एजेन्सीमा काम गरेका उनी अन्नपूर्ण बेसक्याम्पदेखि सगरमाथाको बेसक्याम्पसम्म पुगेका थिए ।

‘तनहुँको डुम्रेबाट शुरू गरेर १८ दिनमा अन्नपूर्ण पदयात्रा पूरा हुन्थ्यो, त्यति हिँडेको ज्यान अहिले ८ घण्टा हिँड्न नसक्ने भएछ,’ उनले पुराना दिन सम्झिए । 

यो गर्मी महिनामा पनि २ वटा ज्याकेट लगाउनुको कारण खुलाउँदै भने– ‘मलाई धेरैले यो कुरा सोध्छन, दमको बिरामी भएकाले छाती चिसो हुन नदिन २ वटा ज्याकेट लगाएको । बाहै्रमास दुईटा ज्याकेट लगाउँछु ।’

बस्ने र सुत्ने ठेगान नभएका कारण शरीरमा बाक्लो लुगा लगाएर हिँडेको उनले बताए । 

गाउँमा भाइबुहारीसँग बस्दै आएका दलबहादुर सकेसम्म गाउँ नफर्किने योजनामा छन् ।

‘पाएसम्म यहीँ कतै वृद्धाश्रममा बस्न पाइन्छ कि भनेर खोजिरहेको छु, एकजनाले पशुपतिको वृद्धाश्रममा लगिदिन्छु भनेका छन् । वृद्धाश्रम नपाए मात्र गाउँ फर्कने ।’

hAMROPATRO BELOW NEWS
TATA Below
पुस २८, २०८०

बुटवलका कृष्ण चौहान क्षेत्रीले आफ्नो सफलता पैसासँग कहिल्यै तौलिएनन् । बरु हुँदा खाँदाको प्राध्यापन पेशाबाट हात झिकेर २४सै घण्टा मानव सेवामा लागेका छन् । उनको आफ्नो सम्पूर्ण जीवन नै रक्तदान क्षेत्रमा बिताउने प्रण गर...

माघ ५, २०८०

मनीषा जीसीको वास्तविक नाम विष्णु घर्ती क्षेत्री हो । गुल्मीको धुर्कोट गाउँपालिका– ३ हाडहाडेकी विष्णुलाई धेरैले मनीषा भनेर चिन्छन् । उनै मनीषा लोक सेवा आयोगले लिएका पाँचवटा परीक्षामा एकसाथ नाम निकालेर अह...

मंसिर १४, २०८०

प्रगतिशील राजनीतिको 'फ्रन्टलाइन'मा देखिने नेताहरू जति कठोर हुन्छन्, त्यो भन्दा बढी ‘इमोसनल र सेन्टिमेन्टल’ पनि हुन्छन् । त्यस्तै ‘इमोसनल फिलिङ्स’का बाबजुद परिस्थितिले कठोर बन्दै गएक...

माघ २०, २०८०

नृत्यका पारखीहरूका लागि लुम्बिनी प्रदेशमा लोकप्रिय नाम हो किशोर थापा । रुपन्देहीका किशोरको परिचय खाली नृत्यकार (डान्सर)मा मात्र सीमित छैन । उनी नृत्य निर्देशक, गायक, मोडल र फूटबल खेलाडीको रूपमा समेत उत्तिकै च...

फागुन २६, २०८०

पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...

माघ १३, २०८०

रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...

स्वधर्मको अनुयायी कसरी बन्ने ?

स्वधर्मको अनुयायी कसरी बन्ने ?

चैत ३, २०८०

स्वधर्म भन्ने शब्द हामीमध्ये धेरैले सुन्ने गरेका छौँ । स्वधर्मको आदि शिक्षक, प्रचारक वा आचार्य भगवान् कृष्ण हुन् । उनले सर्वप्रथम अर्जुृनलाई यसको शिक्षा दिएका थिए कुरुक्षेत्रको युद्ध मैदानमा । यसका आधुनिक व्याख्याता भने ...

जनयुद्धको ‘माओवादी ह्याङओभर’ र नारायणकाजी

जनयुद्धको ‘माओवादी ह्याङओभर’ र नारायणकाजी

चैत १, २०८०

गठबन्धनको नयाँ समीकरणसँगै पुनर्गठित मन्त्रिपरिषद्मा नेकपा (माओवादी केन्द्र)का तीन मन्त्री दोहोरिए । पार्टी नेतृत्वको निर्णयप्रति केही युवा सांसदले आक्रोश व्यक्त गरे । माओवादी पार्टी एउटा भए पनि सहायक गुट धेरै छन्...

एक पूर्व कर्मचारीको 'डायरी'– इमान्दार बन्दा कार्यालय नै नभएको ठाउँमा सरुवा

एक पूर्व कर्मचारीको 'डायरी'– इमान्दार बन्दा कार्यालय नै नभएको ठाउँमा सरुवा

फागुन २८, २०८०

उमेरले ३५ वर्ष पुग्नै लाग्दा मैले लोकसेवा आयोगको फाराम भरें । ३५ वर्ष कटेको भए फाराम भर्न पाउँदैनथें, तर नियुक्ति लिँदा भने ३५ वर्ष कटिसकेको थिएँ । लोकसेवा आयोगको सिफारिशअनुसार क्षेत्रीय सिञ्चाइ निर्देशनालयले...

x